Depensa ni Sharlene

CEBU, Philippines — Wala kaipsot si Sharlene San Pedro sa mga mensahe sa iyang bashers. Gisaway si Sharlene human niya gibalibaran ang usa niya ka fan nga bout magpa-selfie kaniya sa gawas nga bahin sa venue sa ABS-CBN Ball.Suma pa sa aktres nga igo ra siya nisunod sa kamandoan . “Uy viral pala ‘yung isang video ko sa facebook. sumunod lang naman ako sa sinabi sakin na bawal, parang kasalanan ko pa,” suma pa ni Sharlene .

Nasakit ang anak

Gibutyag ni Nikki Gil nga dunay gihambin nga balatian ang iyang anak nga si Maddie . Aduna kini Kawasaki disease nga usa ka talagsaon nga sakit."Maddie was diagnosed with Kawasaki Disease — something we had never even heard of. And seeing our little girl in pain, hooked to IVs, enduring tests and meds, was the hardest thing we’ve ever gone through as parents. ????," Instagram post ni Nikki.

“Multo”

Nisalmot si  Enchong Dee  sa viral “Multo” trend sa  TikTok.  Gipaambit sa aktor ang iyang mga hulagway kun diin kauban niya ang iyang kanhi on-screen partner  nga si Erich Gonzales.  Nag-ugat ang  “Multo” trend nga gikan sa awit  sa   OPM band nga  Cup of Joe.

Musical Passion Play sa Sante Fe

Isip paghinumdom sa  mga  sakripisyo ni Hesus aron maluwas ang mga sala sa tawo , adunay mahitabong pasundayag nga gihaom Semana Santa.

Ang  Gugma sa Langit: A Musical Passion Play  kay mahitabo karong Abril 19, 2025 ,alas 9:00 sa gabii sa Santo Niño Roman Catholic Parish sa Santa Fe, Cebu.

 Ubos kini sa direksyon ni Jai Shane Cañete ,samtang ang production design kay gimugna  ni Lemuel Rosos.

Ang maong dula sa entablado kay nagpakita   sa kadaogan sa gugma sa pito ka makamatay nga mga sala ug ang nagpabilin nga kusog sa pito ka mga hiyas sa pag-umol sa katawhan.

Moabot ngadto sa  24 ka orihinal nga mga awit sa pamalandong ang madungog sa maong dula nga  gitagik ni Cañete, samtang ang musika niini kay gidalit ni Joseph Dean Mangubat inubanan sa paghan-ay ni Ian Tamayo.

Zombie serye nila ni  Han Hyo-Joo ug Park Hyung-Sik, makita sa  ABS-CBN

I-ere na ang  South Korean zombie-thriller series nga “Happiness” sugod   karong Lunes (Abril 21) 10:15PM sa Kapamilya Channel, A2Z, TV5, ug  iWantTFC.

Ang maong serye kay gibidahan nila ni Han Hyo-Joo ug Park Hyung-Sik.

Nailhan si  Han Hyo-joo   kaniadto sa hit series nga “W," , samtang si  Park Hyung-sik kay nilugwa  kaniadto sa  hit K-Drama series nga “The Heirs” ug  “Hwarang."

Fire balancing act mikulit sa Golden Buzzer ni Eugene

Gipabilib  og maayo  ni JB Bangcaya ang mga hurado sa Pilipinas Got Talent Season 7  ilabi na si  Eugene Domingo nga nigamit gyud sa iyang  Golden Buzzer act sa niaging adlaw  human gipakita niini ang  fire balancing act.

Usa ka  kusinero  si JB nga nagikan sa  Muntinlupa ug gibutyag ni Eugene nga makiangayon lang nga makatungtong kini sa next level sa maong show .

Ang "Golden Buzzer" kay usa ka  special privilege sa mga hurado ug   hosts nga naghatag kanila og gahom  nga makasuporta og contestant aron madala sa  live semis. Ang “Pilipinas Got Talent” Season 7,  kay makita matag  weekend, 7:15PM sa Kapamilya Channel, Kapamilya Online Live, ug  A2Z. Makita usab kini  sa  TV5 sa susama nga slot sa  Sabado, samtang   7:45PM usab sa Domingo.