Melai isip Tuba Calendar Girl
CEBU, Philippines — Todo paukyab ang komedyanteng aktres nga si Melai Cantiveros sa iyang birthday photoshoot gumikan kay inspired kini sa calendar sa usa ilimmon.
Gi-post kini ni Melai sa iyang Instagram page ug puwerting lingawa sa iyang followers.
"This is my Birthday Bash Post, totoong bash tlaga makukuha ko dtu.Pero shout out jan sa mga Kuantie and mga Momshie na ready ang Tuba at Bahalina sa Bday na may kasamang chismisan pa. The Best.Happy Bday To Me," caption pa niya sa maong mga hulagway.
Makita usab sa hulagway ang ilimmon nga tuba. Gisaulog sa aktres ang iyang 37th birthday niadtong Abril 6.
Konsyerto sa SB19 gidugangan og usa ka gabii
Tungod sa kakusog sa demand, gidugangan sa SB19 og usa ka gabii ang ilang "Simula at Wakas World Tour Kickoff" concert sa Philippine Arena.
Ang ikaduhang gabii sa ilang konsyerto kay mahitabo karong Hunyo 1. "A’TIN, get ready for another epic night with SB19!" social media post sa Live Nation.
Kahinumdoman nga na-soldout dayon ang naka-skedyul nila nga konsyerto karong Mayo 31.
Malinawong relasyon gipaneguro ni Ivana
Bisan unsaon og pangutana, dili gyud mohatag og detalye si Ivana Alawi kalabot sa tawo nga nagpapitik karon sa iyang kasingkasing.
Gusto sa aktres ang usa ka malinawon nga relasyon busa wala pa gyud masulod sa iyang huna-huna nga ipublikar ang iyang lovelife.
Non-showbiz ang gikatahong uyab ni Ivana.
Single gihapon
Giklaro sa Kapamilya actress nga si Kathryn Bernardo nga single siya karong panahona. Una nga nikatap ang chismis sulod na sa pipila ka semana nga matud pa duna silay relasyon ni Lucena City Mayor Mark Alcala. "I'm very happy and yes still single," suma pa sa aktres.
Duha ka kuwarto
Nag-ipon na sa usa ka panimalay sila si Kim Molina ug Jerald Napoles. Suma pa Kim mga duna sila'y tagsa-tagsa ka mga kuwarto. Sa higayon nga ganahan sila og space sa usag-usa, dili sila magtupad og tulog busa gamit kaayo ang tagsa-tagsa nila ka mga lawak.
Gimingaw sa action project
Walay puas ang mga training ni Kylie Padilla aron ma-execute gyud niya og tarong ang iyang action scenes sa upcoming series nga “Encantadia Chronicles: Sang’gre.” Matud pa ni Kylie nga dugay na siya nga gimingaw og action project.
- Latest
