CEBU, Philippines — Gisugat ni Kathryn Bernardo ang iyang 29th birthday kagahapon pinaagi sa iyang “daring birthday shoot”.
Gipistahan dayon sa netizens ang sexy photos sa aktres ug gidayeg nila kini gumikan kay wala gyu’y paghupas ang kaanyag niini. Sa usa niya ka hulagway , nagkaon siya og chips ug duna kini caption nga ,“Welcoming my 29th with a midnight snack.”
Samtang ang laing hulagway niya kun diin naa siya sa iyang higdaanan kay nagtangag sa caption nga “Woke up as a 29-yr-old .”
Mga bitoon sa “Sins of the Father” gipaila na!
Bida si Gerald Anderson sa bag-ong crime thriller mystery drama sa ABS-CBN Studios nga nag-ulohah og “Sins of the Father.”
Makauban niya sila si Jessy Mendiola, JC De Vera, Shaina Magdayao, Joko Diaz, RK Bagatsing, Seth Fedelin, Francine Diaz, Soliman Cruz, Nico Antonio, Jerald Napoles, LA Santos, ug Tirso Cruz III.
Gihimo na sa niaging adlaw ang story conference sa bag-ong teleserye nga ubos sa direksyon ni FM Reyes nga maoy nagmugna kaniadto sa “Ang Sa Iyo Ay Akin” ug “Linlang” , inubanan usab ni Bjoy Balagtas nga usa sa mga direktor kaniadto sa “Nag-Aapoy Na Damdamin.” Ang JRB Creative Production maoy nagpaluyo sa maong serye nga ubos sa business unit head niini nga si Julie Anne R. Benitez ug creative manager nga si Dindo Perez.
Celebrities nga nabiktima sa fake news giimbitar sa kongreso
Gisugdan na sa House Tri Committee sa niaging adlaw ang pagtuki sa usa sa mga init nga isyu karong panahona nga mao ang pagpakatap og fake news.
Mihimo og joint inquiry sa Kongreso ang Committees on Public Order and Safety, Information and Communications Technology,ug Public Information.
Gikatahong giimbitar sa sunod nga mga hearing ang pipila ka celebrities nga nabiktima sa fake news.
Lakip sa giimbitar mao sila si Vice Ganda, Ruffa Gutierrez, Mon Confiado, ug Baron Geisler.
Nasayran nga ubay-ubay na ka mga personalidad ang gimugnaan og dili tinoud nga istorya .
Pipila sa mga artista nga nabiktima sa fake news kay sila si Liza Soberano, Angel Locsin, Julia Barretto, Gerald Anderson, Catriona Gray; ug uban pa.
Katherine gipasaylo ni Coco
Gipasaylo na ni Coco Martin si Katherine Luna kinsa nangangkon kaniadto nga napamabdosan sa aktor. Kahinumdoman nga nagkauban sila si Coco ug Katherine sa pelikulang Masahista niadtong 2005. Apan sa interview ni Katherine ni Julius Babao sa niaging huwan , nibutyag kini nga dili diay si Coco ang amahan sa iyang anak. Suma pa ni Coco nga nalimtan na niya ang maong isyu ug gipasaylo na niya si Katherine.
Misaka na sa korte
Misaka na ngadto sa korte ang reklamong acts of lasciviousness nga giduso ni Rita Daniela batok kang Archie Alemania. Sa report sa PEP, gibutyag sa legal counsel ni Rita nga si Atty. Maggie Abraham-Garduque nga nadawat na nila ang kopya sa resolution nga gikan sa Office of the City Prosecutor sa Bacoor.Nalatid niini ang rekomendasyon sa city prosecutor nga kasohan si Archie base sa mga ebidensiya ug testimonya sa saksi.
Naglikay sa isyu?
Gikatahong niatras si Buboy Villar sa guesting niya sa Fast Talk with Boy Abunda ug wala gidetalye ang rason niini. Apan dunay mga nagduda nga posible nga ang isyu nga giatubang sa aktor maoy hinungdan niini. Una na nga nireklamo ang ex-partner ni Buboy nga si Angillyn Gorens nga nakuhaan na ang panahon ug sustento sa aktor alang sa duha nila ka anak. Nasayran nga nakabaton og laing anak si Buboy sa bag-ong partner niini nga si Khrizza Mae "Isay" Sampiano.
Kean milusad sa iyang bag-ong single kauban si Ice
Gi-release na sa singer-songwriter, music producer, ug aktor nga si Kean Cipriano ang iyang bag-ong single na "Feels Like It’s The End of the Line" nga kolaborasyon nila sa iyang long-time friend nga si Ice Seguerra.
Ang maong awit kay ubos sa O/C Records, ug gihulagway kini ni Kean isip pagpanamin sa usa ka relasyon nga kalit lang nidistansya , ingon man usab ang pag-ugkat sa rason niini.
"It was quite a challenge for me.It represents a significant time in my life when I needed to let go and start a new chapter. At first, I wasn’t sure how to approach it, but it soon became clear that it should be a collaboration with someone who could convey the right emotions,” suma pa ni Kean.
Dakong garbo alang kang Kean nga nakatrabaho niya ang "Pagdating ng Panahon" hitmaker nga si Ice.
"I am grateful that Ice was willing to work on it with me, and the final result is truly beautiful. His voice and interpretation perfectly capture the sadness and gloominess that I wanted to express," dugang pa niya,
Ang paglusad sa "Feels Like It’s The End of the Line" kay nagmarka isip unang release nga awit niya karong tuiga , samtang nangandam siya sa pagsaulog sa iyang 20th anniversary sa entertainment industry.
Madungog ang "Feels Like It’s The End of the Line" sa nagkadaiyang digital music platforms nga sama sa Spotify, YouTube,ug Apple Music.
“Lolong: Pangil ng Maynila” sugdan karong gabii
Magpabilin nga kulbahinam ang bag-ong hugna sa kinabuhi ni Lolong sa iyang pag-unlod sa usa ka alimpulos sa dili matag-an nga mga pagsulay alang sa “Lolong: Pangil ng Maynila” .
Mosikad sugod karong gabii , Marso 27 ang laing hugna sa maong teleserye.
Human mawala ang iyang gahom ug ang mga tawo nga iyang gimahal—lakip sila si Tiya Isabel (Tetchie Agbayani) ug Elsie (Shaira Diaz), gibundakan usab sa dakong kasub-anan si Lolong (Ruru Madrid). Determinado sa pagtukod pag-usab sa iyang kinabuhi, siya mihukom sa pagbiya sa iyang gamay nga lungsod ug nanamilit sa iyang talagsaon nga higala nga si Dakila.
Nangita og bag-ong laktonon sa dili pamilyar nga mga kadalanan sa Manila, si Lolong naa sa usa ka alimpulos sa bag-ong mga kasinatian ug makalilisang nga mga hagit. Iyang madiskobrehan ang usa ka makapakurat nga kamatuoran: ang giila niya nga mga ginikanan , kay dili gayod niya tinuod nga mga ginikanan.
Paglabay sa pito ka tuig, gisugdan ni Lolong ang usa ka bag-ong hugna sa pagasagobangon , nga adunay bag-ong mga nawong nga gitakda nga adunay mahinungdanon nga papel sa iyang kinabuhi.
Nakadugang sa kahinam sa powerhouse cast sa Lolong mao ang mga bag-ong mosulod sa maong serye nga sila si Ms. Tessie Tomas isip Lola Grasya; Rowell Santiago isip Manuel Magtalas; Ketchup Eusebio isip Badong; Matt Lozano isip Benjo; Yasser Marta isip Goryo; Wendell Ramos isip Pacquito; Elle Villanueva isip Tetet; Andrea del Rosario isip Rosenda; ug daghan pa.
Makita ang “Lolong: Pangil ng Maynila” matag weeknights sa GMA Prime ug GMA Pinoy TV.
Paul ug Mikee nagbuwag?
Gisumsoman karon sa mga chismosa ang hungihong nga matud pa nagbulag na sila si Paul Salas ug Mikee Quintos.
Wala pa mohatag og komento ang duha ka kampo kalabot sa maong isyu.
Nabatyagan usab sa ilang fans nga taod-taod na sila nga wala nag-post og sweet nga mga hulagway sa Instagram.
Taod-taod na pud sila nga wala makit-i nga nag-uban .