Awit alang sa wala gihigugma

CEBU, Philippines — Ang bili sa paghigugma sa kaugalingon maoy gustong ipaabot sa bag-ong Kapamilya singer nga si Kyle Daniell sa iyang kanta nga "Hindi Minahal."

Gikan sa iyang  komposisyon kauban si Roly Halagao, ang labing bag-o nga  gi-release sa Star Music kay  mahitungod sa pagpaka-lig-on taliwala sa gugmang dili  masuklian. “Gusto ko talagang gumawa ng song na pwede makapag-remind sa mga tao na to love yourself. Kapag pinakinggan mo yung song, it’s a message for those people who are struggling to move on,” suma pa ni Kyle.

Alang sa bag-ong Star Music artist, dako og natabang ang pagka songwriter niya sa pagpadangat sa mensahe sa maong kanta. “Kapag songwriter ka, mas madali mong mae-express ‘yung kanta. Mas maiintindihan mo ‘yung bawat detalye nung ginagawang kanta. Mas magaganda mo siyang made-deliver,” suma pa ni Kyle sa interview niini sa ABS-CBN News.

Si Kiko “Kikx” Salazar ug ALAS maoy nagtagik sa “Hindi Minahal.”

Nagikan si Kyle sa Bulacan ug hinayhinay nga nailhan sa iyang mga kanta nga pop-ballad.

Human nadiskubrehan sa kompositor ug producer nga si Roly Halagao, si Kyle nahimong kabahin sa usa ka talent management company kun diin nahasa ang iyang talento sa musika.

Sa 2022, gipagawas niya ang debut single nga "To Last Forever" nga perpekto alang sa usa ka malipayon nga party sa baybayon. Gawas sa musika, usa usab siya ka digital commercial actor.

Ang "Hindi Minahal" kay madungog sa lainlaing  streaming platforms.