Mao diay

CEBU, Philippines — Gibutyag ni Rey Valera nga ang kakulian sa iyang panglawas maoy rason kun nganong  nibiya siya isip usa sa mga hurado sa  cc Tawag Ng Tanghalan sa It’s Showtime.  Dili matud pa malikayan nga ma-stress siya sa  iyang mga desisyon isip hurado sa maong kompetisyon.  “Yung sikmura mo kapag nastress ka, syempre trabaho ko mag-gong doon, ayaw ko noon. Nasa isip ko lahat iyon. Hindi ako nakakatulog doon.Naoperahan ako dalawang beses sa sikmura. Ganoon iyon kapag na-upset ka, una sa’yo sa sikmura. Kaya nag-take off na ako,” saysay pa sa singer sa interview niini ni Bernadette Sembrano.

TV projects

Ang pagdawat og TV projects may hatagan og pagtagad ni Sam Concepcion karong tuiga. Kahinumdoman nga na-busy  si Sam sa mga stage play sa niaging tuig. Nahimong kabahin si Sam kaniadto sa mga sikat nga dula sa entablado nga sama sa   “Once on This Island “ ug  “One More Chance “

Brence , nakakita og  “Gabay” sa bag-ong awit

Paglaom sa bag-ong gugma ang gipaambit sa  singer-songwriter nga si Brence Chavez sa iyang  debut single nga ubos sa  Star Music nga  “Gabay.” Gihisgotan sa maong awit  ang kaagi sa   tawo nga nakabaton  og igong kusog aron motoo og balik sa gugma.

 Gidalit  ni Brence ang kanta ngadto sa iyang pamilya ug mga higala nga nisuporta sa iyang karera.

Kauban  ni Brence sa pagsulat sa  kanta mao si  si Roly Halagao ,samtang gi-produce kini ni Dan Simon. Nagsilbing supervising producer niini  si ABS-CBN Music operations, content, and creative head nga si  Jonathan Manalo.