BINI napili nga “Top Local Artist of the Year”
CEBU, Philippines — Ang grupong BINI maoy napili nga “Top Local Artist of the Year” sa bag-ohay lang nga gilusad nga Official Philippine Chart.
Sila ang unang grupo nga nakaangkon sa maong rekognasyon nga gipaluyohan usab sa sa Philippine Recorded Music Rights Inc. (PRM) ug International Federation of the Phonographic Industry (IFPI).
Nagsunod sa BINI sa listahan sa Top 10 Artists of 2024 mao sila si Hev Abi, Ben&Ben, Cup of Joe, Arthur Nery, Dionela, TJ Monterde, Maki, Al James, ug Flow G.
Batang Quiapo mikulit og back-to-back online viewership records
Gipistahan og maayo ang nagsagunson nga duha ka episodes sa “FPJ’s Batang Quiapo” ug nikulit kini og 852,417 peak concurrent views sa Kapamilya Online Live niadtong Pebrero 19.
Gitutokan ang maong episode human nabulgar ang pagkatawo ni David (McCoy De Leon) nga taod-taod na nga nagtago isip pekeng Tanggol (Coco Martin) aron maangkon ang katigayonan sa mga Montenegro.
Samtang niadtong Pebrero 18 , nakalangkat pud ang maong episode og 818,949 peak concurrent views human nakatilaw si David sa kumo ni Tanggol .
Baron gipasaylo na ni Yayo
Napasaylo na ni Yayo Aguila ang aktor nga si Baron Geisler apan dili gihapon siya ganahan nga iyang kining makatrabaho.
Nahisgotan kini ni Yayo atol sa guesting niya sa programang Lutong Bahay sa GTV. "Nag-sorry naman siya. Nag-sorry siya.So, sa akin, malaking bagay yung... it takes guts para makapag-sorry ka.Feeling ko naman sincere siya. Ayoko siyang i-judge.Pero yun, nag-sorry siya sa akin,” saysay pa ni Yayo.
Kahinumdoman nga niadtong 2008, gikasohan si Baron og acts of lasciviousness sa anak ni Yayo nga si Patrizha Maree Martinez.
Niadtong 2013, nahukman nga "guilty" si Baron sa korte ug duna kini silot nga unom ka buwan hangtod sa duha ka tuig nga pagkapriso ug gipamulta ang aktor og P30,000 alang sa moral damages.
“Napatawad naman na namin siya pero ayoko siya makatrabaho, yung ganun,” sa aktres pa.
- Latest
