Boy mi-renew sa GMA-7

CEBU, Philippines — Pormal na nga ni-renew si Boy Abunda kagahapon  sa iyang kontrata sa GMA Network nga gihulagway niya nga iyang “home”. NItambong sa  contract signing sila si GMA Network President and Chief Executive Officer Gilberto R. Duavit, Jr., ug GMA Network Senior Vice President for Entertainment Group Lilybeth G. Rasonable."This has always been my home. Hindi ako nahirapan na bumalik sa GMA-7 because dito ako nag-umpisa. GMA, maraming maraming salamat sa inyong paniniwala, and for the friendship," saysay pa ni Boy.

Pahimagno batok sa “love scam”

Gipahimagnoan sa  singer-actor nga si Ronnie Liang ang publiko  nga magmatngon sa scammers nga nigamit sa iyang hulagway ug  video.  Ang maong pagpagpangilad kay gitawag og  “love scam”  kun diin gamiton ang hulagway  o video sa usa personalidad ug pangayoan og kuwarta  ang target niini nga mga biktima.

Madamay ang uban

Aktibo si Sylvia Sanchez sa pagprodyus ug pag-distribute og mga  pelikula.    Apan sa sugyot nga himoan og pelikula ang istorya sa iyang kinabuhi, dali nga nakabalibad ang aktres.  Suma pa ni Sylvia nga daghan kaayo og madamay nga mga pangalan kun hisgotan ang  kaagi sa iyang kinabuhi. 

Jericho isip President Manuel L. Quezon

Opisyal na nga gianunsyo kagahapon sa TBA Studios nga si  Jericho Rosales maoy modala sa  title role ni  Philippine President Manuel L. Quezon alang sa  biographical historical movie nga  “Quezon.”

Katapusang paglugwa ni Echo sa  big screen mao ang  2018 romantic drama nga  “The Girl in the Orange Dress.” Nalakip usab siya kaniadto sa   Kapamilya  drama nga  “Lavender Fields.”

“I feel so honored to be with this team. Coming to a script like this which is so potent and so entertaining, I feel so lucky and happy. Here, you will see Quezon as a person. He's not written as a hero. He is cunning, he is charming, he is intelligent. Quezon is such an interesting character to play; there are so many things I can put into the role to build Quezon as a character. That adds to the pressure, but at the same time I am very excited,” saysay pa sa aktor.

Ang  TBA Studios maoy nigama kaniadto sa  box office hits nga  “Heneral Luna” ug  “Goyo: Ang Batang Heneral”.

Magpabilin gihapon nga batang  Manuel Quezon ang aktor nga si  Benjamin Alves

Si  Jerrold Tarog  ang direktor sa maong movie project ug malakip niini sila si Mon Confiado ( Emilio Aguinaldo ) , Karylle Yuzon ( Aurora Quezon)  Romnick Sarmenta (Sergio Osmeña) JC Santos ( Manuel Roxas) ug Cris Villanueva ( Joven Hernando).