Julia dili intresado mosalmot og pageant

CEBU, Philippines — Dili intresado  si Julia Barretto  nga mosalmot og pageant    ug gitataw usab aktres nga mubo siya nga pagkababaye.

Sa taho sa ABS-CBN News, usa si Julia sa mga nitambong sa Miss Universe Philippines 2025 press presentation isip  brand ambassador sa usa  ka sponsor sa maomg kalihokan.

Gipasigarbo ni Julia ang tanang kandata sa Miss Universe Philippines 2025  ug saksi siya mismo  sa kaanyag niini. 

Ikaw na Kaila!

Walay puas  nga mga positibong feedback ang nadawat ni Kaila Estrada gumikan sa dili basta –basta  niya nga acting performance sa Kapamilya series nga “Incignito”.  Gidayeg og maayo ang  iyang action scenes sa maong serye.

Wedding anniversary

Gisaulog   nila ni  Kryz Uy ug Slater Young  dili pa lang dugay  ang  ilang  6th wedding anniversary didto sa Turkey.    Gikasal sila si  Kryz ug  Slater niadtong Pebrero  16, 2019  dinhi sa Sugbo. Aduna sila’y  tulo ka anak nga gilangkoban nila ni Saxon, Scottie ug  Sevi. 

BINI mo-perform sa Aurura

Usa ang grupong BINI sa mga mo-perform sa  Aurora Music Festival  nga mahitabo karong Mayo 3 ug 4, 2025 sa Clark Global City sa Pampanga.   Lakip sa mo-perform sa maong festival mao sila si Rico Blanco ,TJ Monterde, Arthur Nery, BGYO, Moira, Cup of Joe, Maki, Dionela, ug Flow G. 

Bag-ong artist sa Tarsier Records milusad sa iyang "DPTA"

Ang pagduha-duha sa iyang mga pangandoy maoy gihisgotan sa  musician-painter nga si Pupa Dadivas alang sa bag-o niya nga awit nga  “DPTA".

"“It’s a curse word in Ilonggo/Hiligaynon. It naturally slips out of my mouth when I feel frustrated,” suma pa sa  bag-ong Tarsier Records artist.

Nagkanayon ang singer nga  iyang gisagol ang Filipino, English, ug Ilonggo nga mga pulong aron ipahayag sa kanta ang iyang   pagsakripisyo alang sa  pagkab-ot sa iyang damgo.

“I wrote it when I was torn between chasing my dreams and my longing for home. My frustration is a constant push and pull. Some days, it overshadows my whole being and mapapa-’DPTA’ ka na lang talaga,” niya pa. Gisulat kini ni Dadivas ug giprodyus ni Ken Ponce.

Ang 25-anyos nga singer-songwriter nagdako sa Roxas City ug naila sa iyang tradisyonal nga pop ug Asian pop sound. Pipila sa mga kanta nga iyang gi-release kaniadto mao ang "Dead Flower," "Dumbfounded," "Make Me," ug "Heels."

Gawas sa musika, artista usab siya ug bida sa Ilonggo film nga "Candè" kauban si JC Santos. Niapil usab siya sa Miss Universe Philippines niadtong 2022 ug sa usa ka reality singing competition sa telebisyon niadtong 2023.

Madungog and "DPTA" sa  nagkalainlaing streaming platforms.

Kim Sae-ron mitaliwan

 Nipanaw  ang  South Korean actress  nga si Kim Sae-ron sa edad nga 24   ug nakaplagan ang iyang patay nga lawas sa panimalay niini niadtong Domingo.

Padayon pa ang imbestigasyon sa rason sa iyang kamatayon. Samtang sa pasiuna nga pakisusi,  walay nakita nga sinyales sa foul play .

Siya ang kanhi  child star sa pelikulang  A Brand New Life ug The Man From Nowhere niadtong  2009 ug  2010.

Nalakip pud siya sa pelikulang  I Am Dad, Listen to My Heart, ug sa  award-winning drama  nga Barbie.

Sa niaging tuig,  adunay nasugdan nga  musical film ang aktres.

Na-link usab siya kaniadto   sa aktor nga si  Kim Soo-hyun .

Pinay nataypan sa audition sa The Voice USA

Usa ka Pinay ang nakapasar sa bag-ohay lang nga  blind auditions sa  27th season sa The Voice USA.

Giawit sa Pinay nga taga Las Vegas nga  si Jessica Manalo  ang "Unholy"  ni Sam Smith   ug nituyok gyud ang lingkoranan  sa  coaches nga sila si  Michael Bublé ug  Kelsea Ballerini.

Teaser pa lang ang gipakita busa wala pa mahibaw-i kun kinsa nga coach ang gipili ni Jessica. 

BINI leader mipabuhagay sa iyang appreciation post

Gipabuhagay sa leader sa BINI nga si Jhoanna ang iyang appreciation post human nagmalampuson ang ilang “BINIverse” concert sa Philippine Arena sa niaging gabii .

 “I want to thank the girls dahil nailaban natin. What we went through as a group nung nagsimula ’tong taon ay hindi madali. But maybe this concert happened to bring us back to our old rhythm. The timing was perfect,” matud pa ni Jhoanna.

Malipayon ang singer gumikan kay napuno na pud ang venue sa laing hugna sa ilang konsyerto.

Gipasalig ni Jhoanna nga magpabilin gyud sila nga lig-on ug mag-uban gyud kanunay sa nagpadayon nga pagsidlak sa ilang career.

“And blooms, you made it all worth it. The way you cheered, sang with us, and filled the arena with your lightsticks, it was magical. Salamat sa mag pa-banners, mga merch bawat fandom, USA blooms para sa pa-Here With You BINI sa langit hahaha, yung mga bus na may mukha namin. To my Amities, I love you so muchhh! We wouldn’t have done this without you. Until the end, it’s still us together,” niya pa.

Nagpanikad na usab siya  sa umaabot nila nga world tour.

“And now, we’re going on a world tour! Ang gandang simula nitong sold-out concert natin sa PH Arena. I’m excited pero kinakabahan para sa world tour dahil nasa stage ulit kami na kung p’wede lang isa-isahin ang mag tao at bigyan ng flyers just to introduce BINI, we would! Hahaha. Let’s gooo 2025! So many plans. World domination. “ dugang pa ni Jhoanna.