Paulo, legal ang pabulaklak kay Kim

Tagos ang kilig ng fans sa pabulaklak ni Paulo Avelino kay Kim Chiu noong Valentine’s Day lalo na at ang cute ng message ni Kim nung i-post niya ito. “Sa legal papers ko lang nakikita totoong pangalan ko. Muntik ko na makalimutan sino si Kimberly! ako pala ‘yun.!’

“Happy Valentine’s everyone.”

Kaya naman mas nae-excite ang fans dahil malapit nang ipalabas ang kanilang first movie teamup na My Love Will Make You Disappear, sa March 26.

Actually, ang sipag nang mag-promote ni Kim ng nasabing pelikula nila ni Paulo na ang pakiramdam talaga ng fans ay hindi na lang pang-camera ang relasyon nila, sila na talaga.