CEBU, Philippines — Gusto ni Alden Richards nga himoong pribado ang kasamtangan nga estado nila sa Kapamilya actress nga si Kathryn Bernardo.
Kahinumdoman nga sweet kaayo ang duha sa pipila ka mga okasyon.
“Whatever is happening between Kath and I, I really want it to be personal,” saysay pa ni Alden sa May issue sa Preview Magazine.
Nagkasoud sila si Alden ug Kathryn tungod sa ilang panagpares sa 2019 blockbuster hit nga “Hello, Love, Goodbye.”
Bashers dili katumpag kang Andrea
Gitataw sa Kapamilya actress nga dili na siya magpaapekto sa negatibong komento batok kaniya nga mabasa niya sa social media .
Matud pa sa aktres nga ang gasige og panaway kaniya kay kadtong mga tawo nga dili suhito sa iyang personal nga kinabuhi.
"Hindi po kasi ako nagpapakain sa social media. I'm really grounded naman sa real world. I know it's easier said than done," matud pa sa aktres.
Gihatagan og importansya ni Andrea ang iyang kinabuhi ug dili ang komento sa ubang tawo.
"I think kapag natutunan mo lang ma-appreciate 'yung life itself, na life is more than just social media, phone, comments, and people na hindi mo naman kilala na nagko-comment sa life mo, kailangan hindi ka into it masyado. Alam kong masakit siya and it's easier said than done pero kailangan mo lang talagang hindi magpaapekto and ma-appreciate mo 'yung life," ni Andrea pa.
“Gimik” stars nag-reunion
Nag-reunion sa online cooking show ni Judy Ann Santos ang mga bitoon sa '90s youth-oriented show nga "Gimik". Special guests sa bag-ong episode sa "Judy Ann's Kitchen" mao sila si Jolina Magdangal, Marvin Agustin, Dominic Ochoa, ug Mylene Dizon .Gi-ere ang “Gimik,” sa ABS-CBN gikan 1996 hangtod sa 1999 ug nalakip usab niini sila si Patrick Garcia, G Tongi ,Diether Ocampo, Bojo Molina ug anhing Rico Yan.
Nagbinuang sa relasyon
Nilugwa sila si Christine Bermas ug Nico Loco sa 'EXpecially For You' segment sa It’s Showtime sa niaging adlaw. Dinhi napublikar nga dunay laing kairing-iring si Nico hinungdan nga nagbuwag sila. Kahinumdoman nga nilungtad og duha ka tuig ang ilang relasyon kaniadto.
Nangandoy og food business
Gipangandoy sa Pop superstar Sarah Geronimo nga makabaton og food business ug mao kini ang rason nga nitungha gyud siya sa baking school. Gibutyag kini sa singer-actress sa vlog sa iyang bana nga si Matteo Guidicelli."I wanted eventually to make it a business, 'di ba? Kasi siyempre sayang din naman 'yung na-acquire na knowlege at natutunan mo through experience and formal training kung kayo-kayo lang within your family lang ang mashi-share mo ng baked goods mo or cooking mo," ni Sarah pa.
Coleen todo depensa sa iyang bana
Gidepensahan ni Coleen Garcia ang iyang bana nga si Billy Crawford nga giyaga-yagaan sa bashers niini sulod na sa pipila ka adlaw.
Kahinumdoman nga gisaway ang hitsura ni Billy gumikan kay puwerting niwanga niini ug nanglagom ang ubos nga bahin sa mata sa singer-actor.
Matud pa niya nga lagumon na daan ang mata sa iyang bana ug nangatangtang na ang ubang buhok niini.
"Actually, I don't know if you've ever seen him before without makeup. But long before we even started dating, he's always had dark under eye circles and major hair loss na," matud pa ni Coleen.
Matud pa niya nga ang timbang ra gyud ang nausab ni Billy.
"I wish we had photos from 10 years ago to show na he's always had those dark circles and matagal na siyang walang hair," dugang pa ni Coleen.
Maricel mihimakak sa isyu
Atol sa pagtambong ni Maricel Soriano sa hearing sa Senado sa niaging adlaw , naugkat og balik ang isyu niya kaniadto kalabot sa pagbiya sa duha niya ka mga katabang .
Tumong sa maong senate hearing mao ang paghatag og katin-awan sa pagkalambigit sa iyang pangalan sa giingong PDEA (Philippine Drug Enforcement Agency) leaks kun diin matud pa nalakip ang pangalan niya nga nigamit og illegal nga drugas , ingon man usab ang pangalan ni Presidente Ferdinand Marcos Jr. .
Gitataw sa aktres nga wala siya’y kalibotan sa maong dokumento.
Samtang nagdagan ang hearing, nangutana si Senador Bato Dela Rosa kun tinoud ba ang taho nga gidapatan niya ang duha niya ka mga katabang kaniadto ug giingong duna kino konektado sa paggamit niya og cocaine.
Matud pa ni Maricel nga dili tinoud ang maong taho nga gibato kaniya, “Hindi po totoo yan,” matud pa sa aktres.
Matud pa niya nga nibiya ang iyang mga katabang gumikan kay gikawatan siya niini.
Imposible matud pa nga iya kining gidapatan ilabi na nga duha kini ka mga tawo .
Kahinumdoman nga nahusay na ang duha ka kampo kaniadto ug nangangkon nga duna ra sila’y wala pagkasinabtanay.
Boobay nakuyapan sa show sa Aparri
Nakuyapan ang komedyante nga si Boobay samtang nag-perform sa usa ka kalihokan alang sa kapistahan sa Aparri, Cagayan niadtong Martes sa gabii. Kauban ni Boobay sa maong programa nga gipahigayon sa public park sa maong dapit mao ang laing komedyante nga si Pepita Curtis .
Gihunong ni Pepita ang iyang pag-perform sa dihang nabantayan niini nga padulong na matumba si Boobay kilid sa entablado ug giingong nag- silent seizure kini.
Nahagba si Boobay dapit sa speaker busa dali kini nga gitabang. Sa taho sa PEP, gikatahong niarang-arang na ang pamati sa komedyante. Gipatigbabaw ni Boobay ang propesyunalismo ug gihuman gyud nila ni Pepita ang show. Nalipong ang komedyante human nakatutok kaniya ang kainit sa suga .
Kim Soo-hyun mobalik sa Pilipinas
Gikatahong mobalik sa Pilipinas ang South Korean heartthrob nga si Kim Soo-hyun alang sa "Eyes on You" Asian tour niini.
Puwerting sikata ni Kim Soo-hyun karong panahona gumikan sa hit romance series nga "Queen of Tears".
Gibutyag sa Wilbros Live nga ang show sa aktor kay pagahimoon sa Araneta Coliseum karong Hunyo 29.
Katapusang nitikang ang aktor kay niadtong Enero 2023 alang sa iyang fans day nga gidumala sa giendorsar niya nga donut company.
Angel aktibo gihapon showbiz
Malipayon kaayo si Angel Aquino gumikan kay pabilin nga naglawig ang iyang presensya sa showbiz ug nakauban gyud niya ang mga bag-ong artista.
"I like what I do, I love this job. I keep telling everybody this is the best job anyone can have. Imagine being somebody else and not everyone gets to do that or play a character who's masungit and not apologize for it. It's really a fun job to do," saysay pa niya ngadto sa ABS-CBN News.
Gibalanse gyud niya og tarong ang iyang oras ilabi na nga duna siya’y duha ka anak nga giatiman.
Nalakip si Angel sa bag-ong Kapamilya series nga High Street.
"Aside from that, you know I'm a single parent, I still have to work," niya pa.
JK proud sa iyang beauty queen nga girlfriend
Gipasigarbo og maayo sa singer-actor nga si Juan Karlos Labajo ang iyang girlfriend nga si Dia Maté kinsa representante sa Cavite alang sa umaabot nga Miss Universe Philippines pageant.
Matud pa ni JK nga dili gyud magkulang ang pagsuporta niya sa iyang uyab.
"I'm definitely proud of her. This is what I keep on telling her - as long as she's enjoying what she's doing and as long as that's what she wants to do, that's something I'll support," saysay pa ni Miss Universe Philippines aron JK ngadto sa ABS-CBN News.
Una na nga nihangyo si JK ngadto iyang fans nga i-download ang application sa Miss Universe Philippines aron makasalmot sa online voting.
Awra nag-sorry sa iyang mga nakaaway
Nangayo na og pasaylo Awra Briguela ngadto sa iyang mga nakarambol kaniadto ,ingon man usab sa mga tawo nga wala mahimout sa gipakita niya nga batasan.
Nag-post ang komedyante og open letter sa iyang Instagram account kun diin giangkon niya nga duna siya'y sayop.
Kahinumdoman nga nalambigit si Awra og rambol sa usa ka bar sa Poblacion, Makati niadtong Hunyo 2023 nga niresulta sa iyang pagkapriso sulod sa pipila ka adlaw ug nag-atubang og pipila ka mga kaso.
Ben&Ben dunay bag-ong awit
Malipayong gianunsyo kagahapon sa bandang Ben&Ben nga duna sila'y umaabot nga bag-ong single .
Ang maong awit kay nag-ulohan og Comets ug i-release kini karong Biyernes ,Mayo 10.
"Four years in the making to, Liwanag. Ready na siya," suma pa sa maong banda.