Francine ug Orange & Lemons nahusay na

CEBU, Philippines — Nahusay na sila si Francine Diaz, organizers ug ang banda nga Orange and Lemons kalabot sa isyu sa usa ka kalihokan sa Occidental Mindoro kun diin niulbo ang isyu sa kagubot sa skedyul alang sa mga mo-perform sa entablado. Nagpinasayloay na ang tagsa-tagsa ka mga kampo kalabot sa maong hitabo. Suma pa sa bokalista sa Orange and Lemons nga si Clem Castro nga duna ra'y nahitabo nga "misunderstanding".

Kahinumdoman nga nag-viral ang video kalabot sa nahitabong kagubot kun diin kalit nga gipasaka  si Francine sa entablado , samtang ang Orange and Lemons kay nangandam pa sa ilang instrumento sanglit sila na ang sunod nga mo-perform. Sa maong punto gipasanginlan si Francine nga nanapaw, apan base sa mga obserbasyon, ang organizers maoy dunay sala.