CEBU, Philippines — Miaktibo na og balik sa recording ang Soul Diva sa Pilipinas nga si Klarisse de Guzman pinaagi sa iyang bag-ong extended play (EP) nga gitawag og "FEELS."
Gilusad na sa niaging adlaw ang three-track EP nga magdala sa mga tigpaminaw og nagkalain-laing nga emosyon tungod sa gugma. Apil niini ang “Dito,” “Minamahal Pa Rin Ako,” ug “Bibitawan Ka” nga gi-produce sa StarPop label head nga si Roque “Rox” Santos.
Gisuwat nila ni Raizo Chabeldin ug Biv de Vera ang "Dito" nga mahitungod sa pangandoy nga makauban pag-usab ang tawo nga imong gihigugma.
Ang "Minamamah Pa Rin Ako" nga gi-compose ni Ronaldo Azor kay mahitungod sa pagmahay sa usa ka hinigugma human niya biyaan ang tawo nga nagpabiling importante kaniya. Ang ikatulo nga kanta nga "Bibitawan Ka" mahitungod sa pagtapos sa maayong relasyon ug pagbaton og paglaom sa pag-abot sa saktong gugma. Gisulat kini ni Hazel Faith dela Cruz.
Katapusang nadungog ang malipayong tingog ni Klarisse sa kanta nga "Ayoko Ng Sana" nga kabahin sa "Rox Santos: the 15th Anniversary Album" sa niaging tuig. Niadtong 2022, gi-release niya ang ballad nga "Salamat" nga ubos usab sa StarPop.