Bandang Innervoices, hinahabol ng titas of Manila

Ang sayang manonood ng gig ng all-male group na InnerVoices.

Si Atty. Rey Bergado pa rin ang ‘leader of the band’ na nabuo noong 1991.

Nasa college pa siya noon, sa Letran College, nung nag-umpisa ang InnerVoices.

Pero nabuwag ang grupo, late ‘90s.

At nabuo ulit. Hanggang nakasama na nila si Ruben Tecson, Joseph Cruz na uncle nina Rayver and Rodjun, Geneva, Sunshine and Donna Cruz.

At nanalo sila sa Awit Awards noong 1996.

Hanggang namahinga sila ulit, at may miyembro na nawala pero bumalik.

May construction company ang kanilang lead guitarist na si Rene Tecson na OG rin sa banda.

Hanggang noong 2016, nagkaroon sila ng bagong vocalist, si Angelo Miguel.

At nagka-pandemic.

Pero nitong 2022, binuhay nila ulit ang InnerVoices.

At doon na mas naging solid ang kanilang direction.

May mga original song na sila na sinulat ni Angelo Miguel - Isasayaw Kita, Angel at Hari - ang tatlo sa kanilang original songs.

At millions na ang views ng music videos ng Isasayaw Kita at Angel.

Ang ganda ng lyrics and melody na ipinarinig nila sa isang intimate gig sa Aromata Bar.

“A lot of things didn’t come into shape at that time,” ayon kay Angelo na ‘kilabot’ ng mga titas sa bar.

This time, ayon kay Atty. Rey, tuluy-tuloy na sila.

Aside from more original songs, may pinaplano silang major concert sa big venue.

“We are not just a band now. We’re friends. We are ninong of each other’s children. We see each other even if we don’t play. We are all riding buddies. We all ride together,” ayon kay Atty. Rey kaya mas solid na sila.

Anyway, dahil popular ‘80s music ang mga re­pertoire nila, dagsa ang mga titas sa mga gigi nila.

Para ka actually na nagpa-party – at ang schedule nila — Mondays at Bar 360 at Newport World Resorts, Tuesdays, Thursdays and Saturdays at Hard Rock Café at S Maison Conrad Manila, Bar IX (Nine) in Alabang, Wednesdays monthly schedule at Aromata in Quezon City and 19 East along East Service Road in Sucat, Parañaque.

“I grew up in ‘80s music because of my father and mother, although I was born in the ‘90s,” ayon kay Angelo. “Every morning, I could hear music on the cassette tape repeatedly — from A-ha’s Take On Me, Just Got Lucky, Buttercup, Always Something There To Remind Me.”

“So, I was already familiar with many New Wave music. I didn’t find it different even if my bandmates are older than me. They do ’80s music, which is their roots. So, I easily know how to sing the ‘80s tunes,” dagdag niya.

At dahil ala-Richard Gomez si Angelo, ang dami niyang natatanggap na indescent proposal sa mga tita na nagiging audience nila.

Ang pinakamalalang naganap ay nang mag-throw sa kanya ng sanitary napkin na nang i-open niya ay may cellphone number.

Pero hindi na raw sila nagkita nung may-ari ng napkin pagkatapos ng kanilang set.

Hahaha.