Bashers gitubag ni Kylie

CEBU, Philippines — Kalmadong gitubag ni Kylie Verzosa ang pipila ka  netizens nga nisaway sa pamorma sa iyang lawas. Dunay uban niini kay giingnan siya  nga   basin  duna siya’y sakit . Gitataw ni Kylie nga wala siya’y sakit . “I'm perfectly healthy and happy, I eat healthy and I take very good care of my health. It's sad to see so many Filipinos judging their own. I’m super proud to come from here, but you guys make it hard to appreciate home. We’re far behind, and yet here we are still commenting on other people’s bodies,” tubag pa sa beauty queen.

Sunod nga  KathNiel?

Dili komportable sila si  Francine Diaz ug Seth Fedelin sa panglantaw  sa ubang tawo nga sila  ang mosunod sa tunob sa KathNiel o Kathryn Bernardo ug Daniel Padilla. Nasayran nga ni-click ang magka-loveteam nga FranSeth . Sila usab ang bida sa pelikula nga  My Future You nga ubos sa direksyon ni  Crisanto B. Aquino. Giidolo sa FranSeth ang KathNiel apan gusto nila nga mailhan sa ilang kaugalingong pamaagi.

Natagam sa gugma

Naka-focus si Teejay Marquez sa iyang showbiz  career ug wala pa siya’y plano nga mosulod og  relasyon . Natagam na siya sa maong butang  ilabi na nga gibiyaan siya kaniadto sa iyang girlfriend.  Nilungtad og siyam  ka tuig ang relasyon nila sa katapusan niya nga girlfriend ug  nasakitan gyud siya sa dihang gibuwagan siya niini.

DongYan pasidunggan sa FAMAS

Makadawat og espesyal nga  rekognasyon  karong tuiga  ang magtiayong Marian Rivera ug  Dingdong Dantes sa  Filipino Academy of Movie Arts and Sciences (FAMAS) Awards.

Makadawat sila og  FAMAS Bida sa Takilya Award nga gitagana alang sa mga  bida sa  blockbuster movies.

Kahinumdoman nga ni-click ang pelikula sa duha nga  "Rewind” nga kasamtangang naghupot   sa titulo nga  "highest-grossing Filipino film of all time in Philippine domestic sales." 

Vice ug ang bata sa viral video nagkita na

Nagka-bonding na gyud sila si   Vice Ganda  ug  ang bata sa viral video nga nangutana  kun libre ba ang pagpa-face paint sa usa ka birthday party.

Ang maong  bata kay ginganlan og  Lian Charles Villanoza Bartolay ug giubanan kini sa iyang pamilya sa panagkita nila ni Vice .

Gipauban ni  Vice sa ilang pagpanuroy mao  ang mga bata sa "Karaokids" segment sa  It's Showtime nga sila si  Imogen Cantong, Arianah Kelsey, Lasam Argus Aspiras,  Princess Kathryn “Kulot” Caponpon ug, Jaze Capili.

"Pantropiko" sa BINI naglawig

Gikan sa ikaduhang spot sa niaging semana , kasamtangang  nalandig na sa unang  spot sa  Philippines charts ang hit single sa BINI nga  "Pantropiko" .

Ang grupo nga BINI kay gilangkoban nila ni  Mikha, Aiah, Colet, Maloi, Gwen, Stacey, Jhoanna ug  Sheena.

Naporma ang maong grupo nidtong  2021 inubanan sa awit nila nga  "Born to Win."

Sila usab ang nagpasikat sa  "Na, Na, Na” ,”Lagi”, "Huwag Muna Tayong Umuwi," ug uban pa.

 Kanunay usab nga gikagobtan ang ilang mga awit sa  Spotify. 

Aubrey gisuwayan ang world’s longest zipline

Gisuwayan ni Aubrey Miles ang giila nga  “world’s longest zipline”  nga nahimutang sa Dubai .

Gipakita sa aktres ang video sa makalingaw niya nga kasinatian sa Jebel Jais Flight sa Ras Al-Khaimah

Ang  pagsakay og zipline kay nilungtad og duha ka  minutos.

"Flying over the  Ras al khaimah at 160kph. That's why it's the World's Longest Zipline. Unbelievable," Instagram post ni Aubrey.

Bag-ong awit sa Sponge Cola  gibase sa Queen of Tears

Gi-release na sa Filipino rock band  nga Sponge Cola ang bag-o nila nga awit nga "Tatlong Buwan"  kun diin nahimo nila nga inspirayon niini ang sikat nga K-drama  nga "Queen of Tears".

Suma pa sa frontman sa  maong banda nga si  Yael Yuzon nga gi-shoot nila ang  music video sa maong awit sa pipila ka mga  lugar  nga makita sa "Queen of Tears".

 “Wrote our new song ‘Tatlong Buwan’ after watching episode 10 of Queen of Tears and boom, flew in and out of Korea, and the music video is done!”  ni Yael pa.

Gidalit usab nila ang maong awit ngadto sa susama nila nga fans sa nahisgotan nga Korean series.

"I couldn’t help it, it was too moving to not write. There was an overwhelming need for a catharsis," dugang pa sa singer.

Mao kini ang ikaduhang higayon nga gihimo ni Yael og inspirasyon ang usa ka K-drama sa pagsuwat og awit.

Kahinumdoman nga ang awit sa Sponge Cola nga "Siguro Nga" kay gibase sa laing  hit series  nga "Start Up".

Spice Girls nagkatapok og balik

Subling nagkatapok ang mga miyembro sa  Spice Girls atol sa 50th birthday party  sa usa sa  mga miyembro niini nga si  Victoria Beckham sa niaging gabii butang nga nakapahugyaw sa mga bisita.

Sa  Instagram,  gipaambit  ni Victoria ang  video kun diin makita ang ilang pagkanta ug pagsayaw sa awit nila nga  “Stop” atol sa espesyal nga okasyon sa iyang kinabuhi.

“Best night ever! Happy Birthday to me! I love you all so much!” caption niya sa maong video.

Matud pa sa singer nga usa ka nindot nga birthday gift ang subli nila nga panagkita.

Ang British pop girl group nga Spice Girls  kay naporma niadtong  1994 ug sila ang nagpasikat sa  “Stop”,  "Wannabe," "Spice Up Your Life," "2 Become 1,"ug uban pa.

Kauban ni Victoria sa maong grupo sila si Melanie Brown (Scary Spice), Melanie Chisholm (Sporty Spice), Emma Bunton (Baby Spice),  ug Geri Halliwell (Ginger Spice).

Pia pasidunggan sa EMIGALA Fashion & Beauty Awards

Gikadatakdang makadawat og award  nga Global Fashion Influencer of The Year si Pia  Pia Wurtzbach sa umaabot nga EMIGALA Fashion & Beauty Awards .

Gianunsyo kini mismo sa Instagram account  sa maong award-giving body .

Ang  EMIGALA Awards 2024 kay pagahimoon sa  Dubai Festival City Mall karong  Abril 27 ug  28. 

Maghatag  og pasidungog ang EMIGALA  ngadto sa mga personalidad nga nakahatag og kontribusyon sa industriya sa fashion .

Pelikula ni Paulo suportado ni Kim

Nitambong gyud  si  Kim Chiu sa  bag-ohay lang nga  red-carpet premiere sa pelikulang  Elevator  nga gibidahan nila ni Paulo Avelino  ug Miss International 2016 Kylie Verzosa.

Tungod sa presensya ni Kim sa maong kalihokan, nikisaw og samot ang chismis nga matud pa duna sila’y relasyon ni Paulo.

Kahinumdoman nga nagkasoud ang duha human sila nagkapares sa seryeng Linlang nga  gisundan sa  What's Wrong With Secretary Kim?.

Julie Anne  nalandig sa tambalanan

Nalandig sa tambalanan ang singer nga si Julie Anne San Jose  gumikan sa migraine ug ang sobrang pagpanakit sa iyang tiyan .

Mao kini ang partikular nga rason nga wala gyud siya kalugwa isip guest sa bag-ohay lang nga konsyerto ni Regine Velasquez .

Gani nakatambong pa gyud diay si Julie Anne sa rehearsal sa production number nila ni Regine .

"Paggising ko, bigla na lang ako nagsusuka tapos it went on for hours eh. Tapos sabi ko ayoko munang dalhin 'yung sarili ko sa ospital kasi baka mamaya mawawala naman or whatsoever ganiyan," saysay pa ni  Julie Anne ngadto sa GMA News.

Mapasalamaton si  Julie Anne nga nasabtan ra ni  Regine ang iyang  kahimtang.

"Siyempre nakaka-feel bad pa rin kasi talagang looking forward ako na makasama ulit si Ate sa stage," ni  Julie Anne pa.