Concert tickets  ni Gigi sa Amerika puros sold-out

CEBU, Philippines — Dili na gyud mabang-mabang  ang singer nga si Gigi De Lana ug ang banda niya nga Gigi Vibes gumikan kay gihangop gyud sila sa ilang Pinoy fans didto sa Amerika.

 Suma pa nga sold-out ang walo nila ka konsyerto  sa Amerika nga  kabahin sa Rated Gigi: World Tour.

Gikataho usab nga hapit na mahurot ang tickets sa  umaabot nila nga  konsyerto didto sa Canada . Pipila sa  sikat nila nga  covers mao ang  “Through the Fire,” “Saving All My Love for You,” “If Ever You’re in My Arms Again,” , “Bakit Nga Ba Mahal Kita” , “Sakalam” ug “O Bakit Ba.”

Darren ug Kyline  nagkauyab kaniadto

Giangkon ni Darren Espanto nga nagkauyab gyud sila ni Kyline Alcantara kaniadto apan nagbuwag sila tungod sa “misunderstanding”.

Gihulagway niya ang relasyon nila kaniadto nga "puppy love." Sa episode sa "Fast Talk With Boy Abunda" sa niaging adlaw,  gibutyag ni Darren nga nilungtad og usa ka tuig ang relasyon nila  ni Kyline .

Dili pa hingkod ang ilang mga edad kaniadto busa dili gyud sila magkasinabot sa pipila  ka mga butang.

"There was some misunderstanding. Kasi siyempre 'pag mga bata parang konting mga petty na away. Then when we both matured, six years later napag-usapan na namin. Ayun po, eventually we became OK with each other again and naging friends na ulit,” suma pa ni Darren.  

Pangandoy nga natuman

Natuman na gyud ang pangandoy  sa usa sa mga miyembro sa Pop girl group sensation nga BINI nga si Jhoanna Robles nga masuwayan ang paglugwa sa TV Patrol.  Si Jhoana ang  Star Patroller niadtong Martes .  Nasayran  nga usa pud  diay ka student journalist si Jhoanna . “Dream come true para sa akin na maging isang Star Patroller, bago po kasi ako maging miyembro ng BINI pangarap ko na magsilbi sa bayan sa pamamagitan ng paghahatid ng balita,” matud pa niya.

Naghinam-hinam na

Nagpanikad na si  Jericho Rosales sa iyang umaabot nga proyekto sa  Dreamscape Entertainment. Suma pa ni Echo nga taod-taod na gyud siya nga nakapahuway og mga teleserye busa gikalipay niya og maayo nga  duna siya’y upcoming TV project.

"Secret Ingredient"

Makita na  sa  streaming site nga VIU  sugod karong Abril 30  ang digital series nga  "Secret Ingredient" starring Julia Barretto, South Korean actor Lee Sang-heon,  ug Indonesian celebrity Nicholas Saputra.  Ubos kini sa direksyon ni  Cho Young-Gwang ug sinulat ni Baek Dong-Hoon.