Maureen ug Halle nagkaabot

CEBU, Philippines — Usa si Maureen Wroblewitz sa mga nitambong sa Coachella Valley Music and Arts Festival karong tuiga didto sa Indio, California.

Gipasigarbo ni Maureen ang iyang mga hulagway atol sa maong kalihokan.

“Desert heat,” caption pa ni Maureen sa gi-post niya nga hulagway.

Usa sa nahimamat niya sa Coachella Valley Music and Arts Festival mao ang sikat nga American actress nga si Halle Bailey. Si Halle ang bida sa live-action adaptation sa animated movie sa Walt Disney nga "The Little Mermaid" ug nalakip usab kini kaniadto sa musical film nga "The Color Purple."