Alden, walang anggulo!

Talagang ang ganda pala ng mukha ni Alden Richards.

Habang pinapanood ko ang mga pelikula na palabas sa TV, siyempre iba-ibang artista ang makikita mo. At napansin ko talaga na walang anggulo si Alden. Kahit anong shot ang guwapo niya.

‘Yung features niya talagang mahirap sirain. Ang maganda pa kay Alden, complimenting ang kaguwapuhan niya sa leading lady niya. Iyon bang para pang natutulungan ng kanyang looks para gumanda ang kasama niya.

At mahusay siyang umarte ha. Pati delivery niya ng dialogues maganda.

Talagang showbiz perfect si Alden. Tama nga ang mommy niya na pangarap na maging artista siya, dahil ‘yung personality at looks niya talagang pang-artista.

Maxine, nirampa ang baby bump sa dagat!

Kasalukuyang ine-enjoy ng ex beauty queen-actress na si Maxine Medina ang kanyang bakasyon kasama ang mister at mga kaibigan at kapamilya nito. “Beating the heat with awesome food and even more awesome people,” caption ng aktres sa mga litrato niya sa kanilang bonding sa La Union.

Makikitang enjoy ang buntis sa pagkain ng halo-halo na kanyang pampawi sa init.

Pero kahit ang laki na ng kanyang baby bump ay hindi siya nagpahuli sa kaseksihan dahil suot ang yellow bikini ay lutang pa rin ang kaseksihan niya.

Makikita ang litrato niyang nakabilad sa initan kung saan fine-flex niya ang kanyang baby bump.

Tinawag nga siyang pretty mommy at komento ng netizen ay “Motherhood is going to look so good on you,” sa post niya.