Uyab nga magsige'g layas

Dear Tito Miguel,

Maayong adlaw , ako diay si   Jara , nagpuyo sa Samboan,Cebu. Akong problema kay ang akong uyab nga si Tina , kay sa higayon nga mag-away mi, maglayas-layas dayon. Tulo ka tuig nami nga nag-ipon sa giabangan namo nga balay. Molayas siya ,ug mobalik dayon iniglabay og usa ka semana. Kapila nana niya buhata ,ug magsalig siya kay ako raman siyang dawaton og balik.  Unsa akong buhaton ,para maputol ang iyang kinaiya nga magsige og layas ? Kanang patagam nga style ba.  Jara

* * *

Jara,

Basin mao ni iyang pamaagi magpabugnaw aron mohupas iyang kalagot ug kahigwaos kanimo o sa inyong sitwasyon. Apan asa man siya moadto ini g layas niya? Kun sa iyang pamilya o higala, okay ra. Apan kun sa lain ngil-ad na. Pero angay ka maalarma, lagmit dili siya kahibawo moatubang sa problema, iyang ipaagi g layas. Dili solusyon ang pag-ikyas. Pero lagmit desidido gihapon ka magpadayon mong duha, kay igo ra man ka nangutana g unsaon pagpatagam niya. Kinsa ma y nag-abang sa balay, ikaw ra, siya or kamong duha? Ka y kun kamong duha, duna gyud siya y katungod molakaw mobalik kun kanus-a niya gusto. Buot pasabot dili nimo mahikaw iyang katungod. Kun siya ra nag-abang, samot nga wa ka y katungod magbuot kanus-a siya molakaw o mobalik. Gani, ikaw unta ang iyang palayason. Kun kamong duha o siya ra nag-abang, layas kun molayas siya. Paabota nga pangitaon ka. Kun dili, buot pasabot dili pa ka niya hingpit nga gihigugma. Pero kun ikaw ra nag-abang, panirado, ilisi ang kandado sa inyong apartment aron dili na siya makasulod kun kanus-a niya gusto. Mangita gyud na nimo, ka y nibalik gud. Diha na isulti ang imong patakaran nga kun molayas siya, wala na siya y balikan pa.

Pero lagmit imong katarungan dili isyu kun kinsa nag-abang ka y inyo nang gisaw-an isip pugad sa inyong gugma. Tinuod, apan mao na iyang gisaligan. Busa aron motagam, panirado sa tanang buslot nga iyang malutsan pabalik nimo. Paabota nga kanimo mangamuyo g mopasalig nga dili na mousab.     Tito Miguel

Magpatambag ka? Ipada kang Tito Miguel: 0991-318-9366