Excited sa next project

CEBU, Philippines — Naghinam-hinam na ang Kapamilya actress nga si Andrea Brillantes sa umaabot niya nga proyekto sa  Dreamscape Entertainment. Katapusan nga nilugwa si Andrea sa teleseryeng Senior High nga ni-click gyud ngadto sa viewers.

KZ target ni Kuh

Gitingoha sa OPM icon nga si  Kuh Ledesma nga makatrabaho  niya puhon si KZ Tandingan kinsa usa sa mga hurado sa  "The Voice Teens Philippines" season 3. Nakita niya nga dili labad nga pagkatawo si KZ ."She's a performer. At saka ma-drama siya, ma-drama rin ako ,"saysay pa niya ngadto sa ABS-CBN News.

New song

Kasamtangang giluto ang umaabot nga awit ni Janella Salvador. Gikatakdang i-release kini sa Star Music sa umaabot nga mga adlaw. "It's gonna be more on the sound that I've always wanted, which is jazz, R&B, something along those lines," saysay pa ni Janella.

Julie Anne magpabiling Kapuso

Magpabilin  nga Kapuso si Julie Anne San Jose human sa  pag-renew  sa iyang kontrata  kagahapon sa GMA Network o sa  Sparkle GMA Artist Center.

Nitambong sa contract signing  sila si GMA Network Chairman Atty. Felipe L. Gozon, GMA Network President and Chief Executive Officer Gilberto R. Duavit Jr., GMA Executive Vice President and Chief Financial Officer Felipe S. Yalong, GMA Network Senior Vice President for Entertainment Group Lilybeth G. Rasonable, GMA Senior Vice President Atty. Annette Gozon-Valdes ug Sparkle Vice President Joy Marcelo.

Suma pa sa singer -actress nga ang GMA nag-ugmad sa iyang career .

“Dito na po ako nag-grow. Hindi lang po bilang isang artist, bilang isang singer, bilang isang performer, pero dito po nabuo ang pagkatao ko. Ito pong GMA network, this is already my second home,” ni  Julie Anne pa. Mapasalamaton siya sa Kahitas-an ug sa GMA Network sa nadawat niya nga mga grasya.

“Grateful po ako sa Panginoon sa araw na ito. Thankful po ako sa lahat ng blessings na natatanggap ko, sa buhay na pinagkaloob niya sa akin. Of course GMA Network, maraming maraming salamat sa pagmamahal at sa tiwala niyo po. Thank you so much for believing in me, in my talents, in my capabilities,” niya pa.

Samtang si Gozon sa iyang bahin, gipasalamatan niya si Julie Anne  gumikan  sa pagpabilin sa home network niini sulod na sa  18 ka tuig.

“Congratulations! Kami ay nagpapasalamat na you chose to stay with GMA and we are very very proud of you,”suma pa ni Gozon.

Eric Carmen mipanaw

Mitaliwan na sa laing kalibotan  ang American singer ug songwriter nga si Eric Carmen.

Ang iyang asawa nga si Amy maoy nibutyag  sa maong balita ug nihangyo kini sa publiko nga irespeto ang ilang privacy ug wala kini mohatag og partikular nga rason sa kamatayon sa 74 anyos nga singer.

“It is with tremendous sadness that we share the heartbreaking news of the passing of Eric Carmen.Our sweet, loving and talented Eric passed away in his sleep, over the weekend.

It brought him great joy to know, that for decades, his music touched so many and will be his lasting legacy," matud pa ni Amy.

Si Eric maoy nagpasikat sa mga awit nga  "All By Myself," "Never Gonna Fall in Love Again," "I’m Through With Love,"  "Love Is All That Matters," ug uban pa .

Kanhi siya  lead vocalist sa  banda nga  Raspberries nga nabungkag niadtong  1975.