Megan balik-host sa Ms. World
CEBU, Philippines — Mobalik na si Megan Young isip usa sa mga mga host sa Miss World.
Ang grand coronation sa 71st edition sa Miss World kay pagahimoon didto sa Jio Convention Centre sa Mumbai, India, karong Marso 9, 2024.
Si Megan ang unang Pinay nga nakaangkon og Miss World title didto sa Bali, Indonesia, niadtong 2013. Si Megan ang co-host sa maong indigay sukad niadtong 2014 hangtod sa 2019 .
Jaclyn malakip unta sa dream project ni Vice
Makauban diay unta ni Vice Ganda si Jaclyn Jose sa target niya nga dream project. Katapusan sila nga nag-uban sa Metro Manila Film Festival entry nga "Fantastica" niadtong 2018.
Gusto unta niya nga makauban si Jaclyn sa usa ka "indie-type movie" nga comedy.
Usa si Vice sa nagbangotan og maayo sa dihang nasayran niya nga namatay ang beteranang aktres.
"Iba 'yung lungkot na naramdaman ko bukod sa siyempre, wala na siya. Meron kasi akong dream project din with her, na pinitch ko sa isa sa mga ano sa Star Cinema. Gusto ko 'yung parang indie type na movie, pero comedy. Comedy na drama na serious na indie type na mag-nanay kami. Maganda 'yan, sabi nila, for a change. Sabi ko, gusto ko ito, for ano lang, gusto kong magkaroon ng ganitong pelikula. Eh hindi na siya matutuloy
Nakakapang-hinayang, kasi gusto ko talaga 'yung dalawa kami, 'yung dalawa kaming bida," saysay pa ni Vice ngadto sa ABS-CBN News.
Suma pa sa komedyanteng TV host nga nakatatak na gyud kaniya ang pagkaboutan ni Jaclyn.
Jerome ug Krissha subling magpares
Tungod sa kakusog sa ilang tandem sa Safe Skies Archer, makabaton og follow -up project sila si Jerome Ponce ug Krissha Viaje.
Ang duha maoy bida sa umaabot nga horror series sa Viva One nga "Sem Break".
Kahinumdoman nga nipirma ang duha og kontrata sa VIVA Artist Agency sa niaging semana.
Mopahiyom lang sila si Jerome ug Krissha sa pangutana kun na-develop na ba sila sa usag-usa sa tinoud nga kinabuhi. —Sanden J. Anadia
Heart ug Pia nagdedmahay?
Gipistahan karon sa netizens ang mga hulagway kun diin makita nga susama nga nitambong sa usa ka fashion show sila si 2015 Ms.Universe Pia Wurtzbach-Jauncey ug ang Kapuso actress nga si Heart Evangelista. Dunay nangintriga nga matud pa wala nagtagad sila si Heart ug Pia atol sa maong kalihokan.
Update sa Billboard Philippines
Nominado si Nadine Lustre alang sa People’s Choice Awards sa Billboard Philippines karong tuiga .Katigi niya sa maong kategoriya sila si Morissette Amon, Yeng Constantino, KZ Tandingan, Armi Millare ug Barbie Almabis. Sa kategoriyang Listener’s Choice, magtigi sila si Belle Mariano (Bugambilya) , Maymay Entrata (Tsada Mahigugma), Janine Berdin (Sitwasyonship), Jikamarie (Hinahanap-hanap), MRLD(Just Because), DEN? (Sabik), Denise Julia (“B.A.D”), Beabadoobee (Glue Song), Rhodessa ( Kisame) ug DWTA(Delikado).
Long ride
Gisabayan ni Jennylyn Mercado ang trip sa iyang bana nga si Dennis Trillo nga mag-long ride pinaagi sa big bike . Dili basta-basta ang kakulba nga iyang gibati.
Liza miyembro na sa SAG
Malipayong gipahibalo ni Liza Soberano nga miyembro na siya sa Screen Actors Guild (SAG) gumikan sa iyang pagkalambigit sa Hollywood project nga "Lisa Frankenstein."
Suma pa sa aktres nga ang maong grupo kay maghatag og suporta ug proteksyon sa mga artista.
"It basically means that you're part of the union, and the union acts like an agency that protects actors in all shapes and forms. It just means you have a community of people that are constantly there to help push you and find different opportunities," saysay pa niya ngadto sa ABS-CBN News.
Usa si Liza sa mga nitambong sa bag-ohay lang nga SAG Awards.
Jungkook nauyonan ni Sarah
Ang Korean singer nga si Jungkook maoy usa sa mga artist nga gusto nga maka-kolaborasyon ni Sarah Geronimo.
“I love JUNGKOOK. I think he is an amazing artist. Ang galing niya sobra :),” tubag pa ni Sarah sa dihang gipangutana kalabot sa maong butang.
Nahimout sa tubag ni Sarah mao ang laing singer nga si Lea Salonga.
Grabe siyaaaaaaa! Strong agree!!!” komento ni Lea.
Jake pasok sa "What's Wrong With Secretary Kim"
Gianunsyo kagahapon sa Viu ug ug Dream Entertainment nga malakip si Jake Cuenca sa Philippine adaptation sa hit South Korean series nga "What's Wrong With Secretary Kim" starring Kim Chiu ug Paulo Avelino.
Pagadalhon ni Jake ang karakter ni Morpheus.
Sa Korean version niini, nidala isip Morpheus mao si Lee Tae-hwan.
Ang "What’s Wrong with Secretary Kim" kay mosikad karong March 18 sa Viu.
Malakip pud niini sila si Pepe Herrera, Angeline Quinto, Kaori Oinuma, Gillian Vicencio, Yves Flores, Janice de Belen, Franco Laurel, Romnick Sarmenta, ug Cai Cortez.
Herlene mopahuway sa pagrampa
Tingoha ni Herlene Budol nga mo-focus sa iyang acting career busa mopahuway una siya sa pagsalmot og mga indigay.
“Siguro ngayon, pahinga muna. Parang mas kailangan ko munang mag-focus sa pag-acting kasi parang di kaya ng braincells ko kapag sabay-sabay sila. So kailangan isa-isa lang muna,” suma pa ni Herlene.
Hinoun alang kaniya , maabot ra ang saktong panahon nga mobalik siya sa pageant world.
Kontento sa pribadong relasyon
Malipayon kaayo si Kylie Verzosa sa dagan sa iyang love life .
Suma pa sa beauty queen- actress nga ipabilin gihapon niya ang pagka-pribado sa maong butang.
Sa laing bahin , wala gihapon magtingog sila si Kylie ug ang iyang ex-boyfriend nga si Jake Cuenca.
Niabot og tulo ka tuig ang ilang relasyon.
Allen ug Katrina nakadaogsa 10th Emirates Film Festival
Nakadawat og pasidungog sila si Allen Dizon ug Katrina Halili sa bag-ohay lang nga 10th Emirates Film Festival gumikan sa maayo nila nga abilidad sa pag-arte sa psychological drama film nga 'AbeNida.'
Si Allen ang napili nga Best Actor , samtang si Katrina maoy nakaangkon sa award nga Best Supporting Actress.
Nahulma ang maong pelikula pinaagi sa ilang direktor nga si Louie Ignacio.
“Thank you so much 10th Emirates Film Festival for this Best Actor award. Maraming Salamat po Direk Louie Ignacio, sa aking co-actor Ms. Katrina Halili, and sa aming producer Ma'am Baby Go BG Production International," IG post ni Allen.
- Latest
