Liza gidayeg ni Dolly

CEBU, Philippines — Gidayeg sa award-winning actress nga si  Dolly De Leon  si Liza Soberano  gumikan sa dakong naabtan sa career niini ilabi na sa international scene. Nakita gyud niya ang dedikasyon ni Liza busa  nakab-ot gyud niini ang gitingoha nga Hollywood career.

Anniversary concert

Suwayan napud og balik  ni Janella Salvador   ang pagkanta atubangan sa daghang tawo. Aduna siya'y  10th year anniversary concert  sunod buwan."Take your imagination to another level!", social media post sa  Star

Andam ra

Bukas  si Kyle Echarri sa posibilidad nga magkauyab sila sa iyang  best friend nga si  Andrea Brillantes.  Kahinumdoman nga pipila sa ilang fans ang nikomento nga duna sila'y chemistry . 

Tahanang Pinakamasaya nanamilit

Moabot ngadto sa 130 ka mga  staff sa  noontime show nga Tahanang Pinakamasaya ang mawagtangan og trabaho  gumikan sa  pagpanamilit sa maong show. Ang maong gidaghanon kay  nagikan sa 97   ka mga tao  sa production  ug laing 33  sa  TAPE, Inc.

Gikatahong  kutob na lang karong Marso 7 ang pag-replay  sa  karaang episodes sa maong programa

Lisa sa Blackpink nakahimamat kang Taylor

Puwerting lipaya sa usa sa mga miyembro sa Blackpink nga si  Lisa gumikan kay nakadoul gyud siya kang Taylor Swift atol sa konsyerto  niini  sa  Singapore niadtong Domingo.

Gi-post ni Lisa sa Instagram ang iyang hulagway kun diin nakapahulagway siya ni Taylor sa backstage.

"Had such a blast at The Eras Tour! Amazing performance," caption pa ni Lisa sa maong hulagway .

Kauban ni Lisa sa pagtan-aw sa konsyerto mao ang iyang mga higala ,ingon man usab ang laing   K-pop star  nga si Sorn. 

ABS-CBN nanghakot  og awards

Padayon nga nanghakot og mga pasidungog ang  ABS-CBN gikan sa academic community ug 11 ka awards ang nakuha niini gikan sa labing una nga Perpetualites’ Choice Awards sa  University of Perpetual Help JONELTA System.

Naangkon niini ang award nga Best Media Company.

Gipasidunggan isip  Best Noontime Variety Show ang “It’s Showtime”, samtang napili nga  Best Female TV Personality ug Best Noontime Variety Show Hosts sila si Anne Curtis ug Vice Ganda. Naangkon pud ni Vice Ganda ang mga pasidungg nga   Best TV Personality, Best Game Show Host, ug Most Service Oriented Media Personality.

 Nakadaog ang Star Magic artists nga sila  Seth Fedelin ug  Francine Diaz isip Best Young Male and Female Media Personality. Samtang nakuha nila ni Kathryn Bernardo ug Daniel Padilla ang award nga  Best Love Team. Napili nga  Best Female Solo Artist ang "ASAP Natin 'To" singer nga si Moira dela Torre.  

Tungod sa Heart Attack Jaclyn Jose mipanaw

Gikumpirmar ni Andi Eigenmann nga heart attack maoy rason sa kamatayon  sa iyang inahan nga si  Jaclyn Jose niadtong Sabado sa buntag.

“It is with great sadness that I announce the untimely passing of my nanay, better known as Jaclyn Jose at the age of 60 on the morning of March 2, 2024 due to a myocardial infarction or heart attack.We’d like to thank everyone who has since extended their prayers and condolences to us as our family is trying to come to terms with this unfortunate incident,” matud pa ni Andi. Mihangyo si Andi nga hatagan sila og privacy samtang nagbangotan sa kamatayon sa beteranang aktres.

“Please provide us the respect and privacy to grieve and we hope this would put all speculations to rest,” niya pa. Nagmalaumon ang  aktres nga  magpabiling  buhi ang legasiya  sa iyang inahan.

“I would just like to say that her undeniable legacy will definitely forever live on through her work, through her children, grandchildren, and the many lives she’s touched. As she herself, her life itself was her greatest obra maestra,” dugang pa ni Andi.

Ang Kapamilya series nga  "FPJ's Batang Quiapo" maoy labing ulahi nga TV project ni Jaclyn kun diin gidala niini ang karakter  isip  warden nga ginganlan og Dolores Espinas .

Nagsugod ang iyang karera niadtong 1980's , ug ubay-ubay na ka acting awards ang naangkon niini . Nitatak usab sa kadaghanan ang iyang karakter isip  Magda sa TV series nga  "Mula sa Puso" .

Kahinumdoman nga siya ang napili nga  Best Actress sa  2016 Cannes Film Festival alang sa pelikulang  "Ma'Rosa.".

Nanghakot siya og mga pasidungog kaniadto sa Gawad Urian, Famas, Luna Awards ug  uban pa nga  award-giving bodies.