Hugyaw nga kombinasyon
CEBU, Philippines — Gipalanog na nila ni Erik Santos ug Julie Anne San Jose ang ilang version sa classic hit nga "Nothing's Gonna Change My Love For You."
Ang ilang performance video kay makita sa official YouTube page sa Star Music ug gi-produce kini ni Jonathan Manalo.
Gikalipay kini og maayo sa ilang fans sanglit nag-duet gyud ang Kapamilya singer ug ang Kapuso singer-actress sa usa ka nindot nga awit .
Kasagaran sa reaksyon niini kay nagkanayon nga pareson kaayo ang tingog sa duha ug perpekto gyud ang ilang tingog alang sa maong awit.
Ely B. makatrabaho ni Daniel
Usa sa mga nag-atang nga proyekto ni Daniel Padilla mao ang koloborasyon nila sa singer nga si Ely Buendia.
Nagpanikad na siya sa makatrabaho ang singer ug gisekreto pa niya ang ubang detalye niini samtang giluto pa ang maong proyekto.
Nasayran nga gawas sa pag-arte, nagpahipi usab ang talento ni Daniel sa pagkanta.
Duna pud siya’y upcoming comedy movie nga “Nang Mapagod si Kamatayan" kauban si Zanjoe Marudo. .
Madayon pud ang pelikula nila nila ni John Arcilla nga "The Guest” .
Alerto sa online scammers
Gipasidan-an sa GMA Entertainment Group ang publiko nga magmatngon sa online scammers nga nag-post og fake auditions alang sa “Encantadia Chronicles: Sang’gre.” Ang mga mangingilad kay mogamit sa pangalan sa GMA-7 alang sa pagpangayo og kuwarta ,ingon man usab pribadong hulagway ug impormasyon.
Gidasig nila ang mga mabiktima sa fake auditions nga mo-report ngadto sa otoridad.
Giklaro usab sa GMA Entertainment Group nga wala sila’y gihimo nga audition alang sa umaabot nila nga pantaserye. Kun duna man gani sila’y mga pahibalo, adto nila kini i-post sa opisyal nga social media accounts sa GMA.
- Latest