Uyab nga wala'y klaro

Dear Tito Miguel ,

Maayong adlaw , suki kaayo ko sa imong lindog. Ako diay si Michelle ,taga Mabolo ,Cebu City.  Ang akong suliran mao ang akong uyab  nga si  Jay nga mura ra og wala. Laktod pagkaistorya, akoy nagdala sa among relasyon. Ako ang mangita og pamaagi nga magkita mi. Kay kun dili ko manghagad niya nga magkita mi, okay ra pud niya. Seguro dunay kalabotan ang among age gap. Akong edad kay  40, samtang siya kay 20. Mura ra mi og dili uyab. Gikapoy nako sa among sitwasyon , pero sakit man sad uy kun ako siya nga buwagan . Please kumbinsira ko para dali nako siya ma-let go. Salamat Tito Miguel.   Michelle

 * * *

Michelle,

Sayon ra na. Piyonga imong mga mata. Huna-huna nga 20  ka tuig  deperensiya sa inyong mga edad . Kun  moabot naka og 50 , 30 pa siya. Ini g 60 nimo, 40 pa siya. Buot pasabot mangunot na ka g mohumok na imong mga bukog ug tuhod, siya batan-on ug lagsik pa. Hunahunaa kuno g unongan pa ba ka niya. Karon pa lang daan, dili na mo magkita kun dili ka maninguha. Klaro kaayo nga dili siya interesado nimo. Ikaw ra ang sige g gukod. Lagmit duna na siya y uyab nga ka-edad niya. Basin maikog o mahadlok lang moprangka nimo nga siya nibiya na.

Wala ka maghisgot kun imo ba siya nga  gigastohan. Ka y kun siya 20 anyos pa, lagmit nag-eskuyla pa. Unsa ma y iyang tuyo nimo? Basin magpakita lang nimo kun manginahanglan. Subaya kuno g balik giunsa ninyo pagkauyab. Siya ang nanguyab o ikaw. Kun ikaw, lagmit nisugot siya ka y kanimo nakakita g mother figure. Buot pasabot nanay nanay ra ka pero lain ang iyang gipangga g tiunay. Ikaw nag-amoma, lahi ang moani.

Kun siya ang nanguyab, lagmit madanihon pa ka atong higayona. Apan karon pagmata na, panamin ug tan-awa g maayo imong kaugalingon. Nagkabata pa ba ka? Kasagaran raba sa babaye mauna g katigulang sa lalaki. Kana bitaw kaedad ra nga magtiayon, kadugayan ang asawa mora na g inahan o iyaan, apan ang bana maalaan nga anak o pag-umangkon. Samot na ninyong duha, napulo ka tuig gikan karon, mora na mo g mag-lola.    Tito Miguel

Magpatambag ka? Ipada kang Tito Miguel: 0991-318-9366