Mga bagong programa ng ABS-CBN nasa youtube na!

Handog ng ABS-CBN ang mas pinalakas na YouTube channel ngayong 2024 sa mga bagong palabas na magbibigay saya at inspirasyon sa mga manonood sa iba’t ibang parte ng mundo.

Nasa ABS-CBN Entertainment YouTube channel ang Kapamilya Online Live, kung saan available nang live at on-demand ang pinakahuling episodes ng mga primetime show na “FPJ’s Batang Quiapo,” “Can’t Buy Me Love,” “Senior High,” at ang inaabangang premiere ng “Linlang: The Teleserye Version,” afternoon dramas na “Pira-Pirasong Paraiso” at “Nag-Aapoy Na Damdamin,” “It’s Showtime,” “ASAP Natin ‘To,” at marami pang iba.

Mas pinalawak din ng ABS-CBN Entertainment ang kanilang YouTube channel para sa 46 milyong subscribers nito dahil patuloy na napapanood nang live at on-demand ang Philippine livestream ng Kapamilya Online Live sa Asia, Europe, Australia, at New Zealand.

Samantala, pwede na ring magcatch-up ang mga Pinoy sa Canada sa pinakahuling episodes ng iba’t ibang palabas kung saan available ang pinakabagong episodes nito isang linggo pagkatapos itong ipalabas sa Pilipinas.

Mababalik-balikan din ang iba’t ibang classic Kapamilya teleseryes sa pamamagitan ng ABS-CBN Superview. Para naman sa mga bagong “Made for YouTube” shows ngayong taon, dapat abangan ang youth-oriented series na Zoomers, BL reality dating show na Sparks Camp Season 2, at ang  Can’t Buy Me Love Exclusives tampok sina Donny Pangilinan at Belle Mariano.

Kaabang-abang din ang mga pasabog ng Star Magic ngayong 2024 dahil mapapanood sa YouTube ang Star Magical Prom, Star Magic Hot Summer, Star Magic All-Star Games, at  Star Magical Christmas.