Vice Ganda, Belle, Maymay, bumida sa remix album

Inilunsad ng ABS-CBN record label na StarPop ang ikalawang volume ng kanilang remix album kung saan tampok ang mga awitin mula kina Vice Ganda, Belle Mariano, Maymay Entrata, at iba pang Kapamilya artists.

Panibagong tunog ang hatid ng remix album na pinangunahan nina Theo Martel at Justine Catalan at iprinodyus ng StarPop label head na si Roque “Rox” Santos. Kasama sa 11 tracks nito ang remix ng Autodeadma at Tsada Mahigugma ni Maymay, Rampa ni Vice Ganda, Bugambilya at Somber and Solemn ni Belle Mariano, Ms. Ukay ni Kim Chiu, Days ni KD Estrada, at Paraiso ni Anji Salvacion.

Mapapakinggan din sa remix album ang mga awitin ng baguhang artists tulad ng Lovesick ni CESCA, Balse ng Gabi nina CESCA at Maki, at Moving On ni Matty J.

Inilabas ang unang volume ng StarPop: The Remixes noong 2022 kung saan tampok din dito ang iba’t ibang awitin mula sa Kapamilya artists.

Pakinggan ang StarPop: The Remixes Volume 2 na available sa iba’t ibang streaming platforms.

ASAP, may bigating Sinulog celeb

Bigay-todo ang pagpapasaya ng inyong paboritong weekend viewing habit, tampok ang mainit-init na pasabog mula sa bigating Kapamilya stars at isang exclusive reunion ng isa sa tinitingalang OPM bands all-time ngayong Linggo (Enero 14) sa ASAP Natin ‘To.

Sa isang ASAP exclusive, itodo na ang rakrakan sa bigating reunion ng OG members ng Rivermaya bilang selebrasyon sa kanilang 30th anniversary, tampok sina Rico Blanco, Mark Escueta, Nathan Azarcon, at Bamboo.

Damang-dama rin ang pag-ibig sa kilig duet nina Donny Pangilinan at Belle Mariano kasama rin si Adie habang tuluy-tuloy ang DonBelle fever sa thanksgiving treat ng Can’t Buy Me Love kasabay ang kanilang co-stars na sina Darren, Kaila Estrada, Joao Constancia, Gello Marquez, Vivoree, at Chie Filomeno.

Bongga rin ang Sinulog salubong nina Vina Morales, Fana, Lara Maigue, Sheena Belarmino, Jameson Blake, Aljon Mendoza, Maymay Entrata, Kim Chiu, at ang buong ASAP Kapamilya with Janine Gutierrez at Edward Barber.

Sa papalapit na pagtatapos ng trending youth-oriented serye na Senior High, may inihandang pasasalamat sina Andrea Brillantes, Kyle Echarri, Xyriel Manabat, Elijah Canlas, Daniela Stranner, Miggy Jimenez, Tommy Alejandrino, at Gela Atayde.

Hatawan to-the-max ang hatid ng throwback hits Clash Dance tapatan nina AC Bonifacio at Gela kasama ang A-Team, at mainit-init ang solo pasabog ni Kim Chiu.

Abangan din ang birthday birit ni Kyla kasama ang OPM champions na sina Jed Madela, Jona, Klarisse de Guzman, Frenchie Dy, Bituin Escalante, Elha Nympha, JM Yosures, Khimo Gumatay, Reiven Umali, Yeng Constantino, at Angeline Quinto.

Fresh na fresh din ang pure energy collab nina Gary Valenciano at Gloc-9, pati ang new single performance ni Pops Fernandez.

At tuluy-tuloy ang biritan nina Gary V, Martin Nievera, Erik Santos, Angeline, Ogie Alcasid, at Regine Velasquez sa panibagong edisyon ng The Greatest Showdown.

Huwag palampasin ang lahat ng ito mula sa longest-running at award-winning musical variety show sa bansa, ASAP Natin ‘To, 12 nn sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.