“My Zombabe” giatngan
CEBU, Philippines — Gipasigarbo ni Kim Molina ang umaabot nga pelikula nila ni Empoy Marquez nga “My Zombabe” gumikan sa talagsaon nga dagan sa istorya niini.
Gikatahong usa kini ka post-apocalyptic film busa todo atang na niini ang ilang fans.
Mosikad kini sa mga sinehan sugod karong Enero 8.
Gugma nga walay paghupas
Gipakita ni Ion Perez ang compilation sa mga hulagway ug video clips nila ni Vice Ganda ug gipasalig niini ang gugma niya sa TV host nga walay paghupas. Nitubag usab si Vice pinaagi sa pagpadayag sa dako niya nga gugma ngadto kang Ion.
“I love you babe ko! This year will be an amazing one for us, our families, those we love and those who love us! Happy New Year asawa ko!” mensahe ni Vice ngadto kang Ion atol sa bag-ong tuig.
Teaser sa "Sang'gre" milugwa na
Gipalugwa na ang teaser sa "Sang'gre" kun diin makita ang mga mosunod sa tunob nila ni Alena, Danaya, Amihan, ug Pirena. Gipaila ang bag-ong henerasyon nga Sang'gres nga sila si Terra (Bianca Umali), Flamarra (Faith Da Silva), Adamus (Kelvin Miranda),ug Deia (Angel Guardian).
Makita usab nga gihuptan sa Sang'gres ang brilyantes .
Si Mark Reyes ang direktor sa "Sang'gre" nga tipik sa "Encantadia" franchise nga nagsugod niadtong 2005. Aduna pu’y bag-ong kontrabida nga ginganlan og Mitena nga pagadalhon ni Rhian Ramos.
- Latest
