Segurado na kang Julie Anne

CEBU, Philippines — Gitataw ni  Rayver Cruz nga tinud-anay gyud ang iyang pamahayag kaniadto nga si Julie Anne San Jose gyud ang iyang  pakaslan. Matud pa sa aktor  nga ang pagpakasal maoy padulngan sa usa ka seryosong relasyon. Suma pa ni Rayver suwerte kaayo  siya nga si Julie Anne ang iyang nauyab.

Misuporta sa anak 

Gipakita gyud ni Gabby Concepcion  ang dako niya nga suporta ngadto sa iyang anak nga si  KC Concepcion ug  nitambong gyud kini sa  Manila premiere sa  Hollywood film nga   Asian Persuasion sa niaging gabii.  Todo dayeg si Gabby sa maayong pag-arte ni KC sa maong pelikula. “Congratulations to my daughter, KC, for landing a role in this movie! You make me proud! You can be anyone you want to! You make us all proud,” suma pa ni Gabby.

Gi-revive ang “Pangako”

Dunay kaugalingong version ang Singer-songwriter nga si  Moira dela Torre sa awit  ni  Ogie Alcasid  nga  "Pangako" . Mao kini ang usa sa  mga gamiton  Kapamilya  hit primetime series nga  "FPJ's Batang Quiapo." Gi-upload na ang iyang  version sa maong awit sa official YouTube channel sa Star Music.

Kasikas sa  concert film ni Taylor

Gipahibalo sa   American singer-songwriter  nga si Taylor Swift nga duna siyay  special gift sa  iyang fans ug kini mao ang  pag-release   ngadto  mga streaming platforms sa  extended version sa iyang  Eras Tour film. Mahitabo kini  sulod karong buwana ug gikalipay kini og maayo sa iyang fans gumikan kay masaksihan  niini ang Eras Tour film sa tagsa-tagsa nila ka mga panimalay.

 “Hi! Well, so, basically I have a birthday coming up and I was thinking a fun way to celebrate the year we’ve had together would be to make The Eras Tour Concert Film available for you to watch at home!” matud pa ni Taylor. Gipahibalo usab niya nga  malakip ang dugang tulo niya ka  mga awit sa  iyang concert film.

 “Very happy to be able to tell you that the extended version of the film including 'Wildest Dreams,' 'The Archer,' and 'Long Live' will be available to rent on demand in the US, Canada, & additional countries to be announced soon starting on … you guessed it, December 13,” dugang pa sa singer.

“Jewel In The Palace”  i-ere og balik

I-ere og balik dinhi sa nasud  ang karaang Korean period drama  ni Lee Young Ae ug niining higayona, adto na kini makita sa GTV.

Kahinumdoman nga ni-click gyud  ang maong serye nga unang gi-ere sa GMA-7 niadtong 2005. Makita kini  sugod karong  2:30pm  sa GTV, inighuman sa “It's Showtime" ,

Si Faith Cuneta ang nagkanta sa theme song niini nga  "Pangarap Na Bituin" ,ug nalakip pud sa soundtrack  ang awit sa Shamrock  nga  "Alipin".

“The Rose" mobalik sa Pilipinas

Nalakip ang Pilipinas  sa mga lugar alang sa "Dawn to Dusk" concert tour sa  Korean rock band  nga The Rose ug mahitabo kini karong Enero 26, 2024.

Ang maong grupo kay gilangkoban nila ni  Woosung, Hajoon, Dojoonug  Jaehyeong  ug tua  sila karon sa America ug Canada alang usab sa nakalinya nila nga mga konsyerto. Karong 2024 ang pagsikad sa ilang concert tour sa Asya ug Europe.

Gawas sa Pilipinas, motikang pud sila sa  Indonesia, India, South Korea, Germany, Denmark, Norway, Sweden, Finland, Poland, Hungary, Austria, Italy, Switzerland, Netherlands, UK, Belgiuma ug  France. Kahinumdoman nga nakatikang na kaniadto ang The  Rose dinhi sa Pilipinas niadtong Enero 2023  alang sa "Heal Together" concert.