Pambato sa Pilipinas alang sa Kids Star International
CEBU, Philippines — Lumulopyo sa Naga City, Cebu ang representante sa Pilipinas alang sa Kids Star International pageant nga pagahimoon didto sa Thailand karong Disyembre 3 ,2023.
Siya si Nikolah Lavadia, 12 anyos, ug nisaysay kini atol sa interview niini sa Cebu Entertainment Group (E-GROUP) nga ipasigarbo gyud niya sa laing nasud kun unsa kanindot ang Pilipinas.
Ipasigarbo usab niya ang mga Pinoy isip maabi-abihon sa mga bisita niini .
Usa siya ka tinun-an sa Grade 6 sa Pitalo Elementary School .
Miyembro usab si Nikolah sa Arnis Club ug kasamtangan usab nga naglawig ang iyang modelling career.
Nilarga na siya kagahapon paingon sa Thailand alang sa nakalinya nga pre-activities sa maong indigay .
Buhaton gyud ni Nikolah ang kutob sa iyang mahimo aron mahimong positibo ang kapalaran niya sa maong prestihiyosong indigay.
Ang nipaluyo kaniya sa pagsalmot sa Kids Star International pageant mao ang iyang inahan nga maoy nag-unang inspirasyon sa iyang kinabuhi inubanan usab sa suporta nila ni Leo Sanchez ug Elmer de Venancio (gown designers) Glenn Nino Noval (stylist) , Ryan Mark (Q and A coach ) Bjay Menguito (national costume designer), Lee Harvey Caballero (photographer) ug Prince Jehosaphat Amit (pasarela trainer).
Kathryn gipangita sa birthday ni Karla
Nitambong si Daniel Padilla sa 49th birthday party sa iyang inahan nga si Karla Estrada nga gipahigayon sa ilang panimalay sa Quezon City sa niaging gabii.
Wala palabya sa netizens ang pagpamantay sa mga hulagway sa social media nga gi-post sa mga nanambong sa maong birthday celebration .
Base sa mga hulagway nga ilang nakita, wala sa maong okasyon ang uyab ni Daniel nga si Kathryn Bernardo.
Nabanhaw napud ang intriga nga giingong nagtakilid na ang relasyon nila ni Kathryn ug Daniel. Tak-om gihapon ang duha ka kampo kalabot sa maong taho.
- Latest