Latest single ni Julie Anne

CEBU, Philippines —  Subling nipirma og bag-ong  kontrata sa ABS-CBN ang award-winning actress nga si Janine Gutierrez sa bag-ohay lang nga  kalihokan nga nag-ulohan og “Solid Kapamilya: The Janine Gutierrez Network Contract Signing”.

“Sobrang surreal na pumirma na ako ng pangalawang kontrata ko with ABS-CBN kasi dati it was just something that I was looking forward to and now ramdam na ramdam ko talaga na Kapamilya ako kaya sobrang grateful po talaga ako,” saysay pa ni Janine.

Nitambong sa  contract signing sila si  ABS-CBN Chairman Mark Lopez, ABS-CBN president ug CEO Carlo Katigbak, ABS-CBN COO for broadcast Cory Vidanes, ABS-CBN group CFO Rick Tan, ABS-CBN head of TV production ug Star Magic head Laurenti Dyogi, ug ang talent manager nga si Leo Dominguez.

Subling nagpasalamat si Janine sa mga pagdayeg nga iyang nadawat  human siya nahimong bida sa  hit primetime series nga “Dirty Linen” nga nakalangkat og 2.5 billion views sa TikTok.

“Grateful ako dahil gustong gusto ko talaga yung role ko sa ‘Dirty Linen’ na medyo may pagka-bida-kontrabida in a way. Gusto ko yung gano’n role na matapang, yung hindi lang susuko kasi syempre kailangan natin ng gano’n inspirasyon,” saysay pa sa aktres.

Giangkon ni Janine  nga na-pressure  siya nga sundan  ang kalamposan sa “Dirty Linen” apan dako ang iyang pagsalig sa  proyekto nga ihatag kaniya gikan sa  Kapamilya network. “Meron talagang certain pressure yung ‘Dirty Linen’ kasi naramdaman ko talaga na malaking project siya tapos bigatin lahat no’ng mga eksena ko. Luckily, grabe yung guidance ng mga direktor and it was such a fun set so iyon na lang yung iniisip kaysa yung pressure. I’m assured na sa caliber ng mga kwento natin sa ABS-CBN, I look forward to any role na i-offer nila sa akin,” ni Janine pa.

Gawas sa  dili niya malimtan nga role isip Alexa ug  Mila sa “Dirty Linen,” nahimo usab siya nga bida sa  romcom series nga “Marry Me, Marry You” kauban si  Paulo Avelino ug sa  iWantTFC series nga “Sleep With Me” kauban  si Lovi Poe nga gipasalida na karon sa Netflix.

Kim giokray sa kauban nga hosts

Wala kaipsot  si Kim Chiu sa mga sungog sa kauban niya nga hosts sa  It's Showtime  nga nipahinumdum  kaniya sa relasyon nila kaniadto ni Gerald Anderson. Sa "Tawag Ng Tanghalan" segment sa niaging adlaw, dunay usa ka contestant nga ginganlan og Gerald Ponce. Pagkahuman og kanta sa contestant og "Himala" nitungtong dayon sa entablado sila si  Kim, Anne Curtis, Vhong Navarro, ug Vice Ganda. Nihirit dayon si Anne sa pagpa-ilaila kang Gerald ngadto kang Kim.  "Kausapin natin si Gerald. Gerald, Kim. Kim, Gerald," nagkatawang asoy ni Anne.

Nitubag dayon si  Kim og  "Uy! Kumusta ka na?! Grabe Gerald nagbago ka na!".