“Love Letters” alang sa Gen Z’s
CEBU, Philippines — Mga istorya gikan sa kasingkasing sa bag-ong henerasyon maoy tukion sa “Love Letters,” ang bag-ong drama-advice program nga gipangulohan sa Kapamilya digital content producer nga si Dan Capucion ug makita sa YouTube sugod ugma, Biyernes (Oktubre 27), 7pm.
Nalakip sa bag-ong drama production mao ang istorya nga gikan sa letter senders nga maghatag og inspirasyon ug moabag usab alang sa mga naproblema kalabot sa gugma. Gidalit kini sa MOR Entertainment, ang naa sa likod sa mga sikat nga Spotify podcast sa ABS-CBN nga sama sa “Dear MOR,” kauban ang ABS-CBN Music.
Dugay na nga dramatista si Dan sa “Dear MOR” ug usa sa iyang hiyas mao ang iyang pagka-‘tito’ vibe busa mohaom rapud siya sa Gen Z’s. Usa pud siya ka voice actor nga nakatrabaho na sa nagkadaiyang Asianovela ug lead voice actor sa Tagalized Hollywood movies.
Madungog ang bag-ong episode sa “Love Letters” sa mga YouTube channel sa ABS-CBN, Star Music ug MOR Entertainment matag Biyernes, 7pm sugod karong Oktubre 27.
- Latest