Goma, baby pa rin ang tingin kay Juliana!

Maliit pa na batang babae sa isip at puso ni Cong. Richard Gomez ang daughter nila ni Ormoc Mayor Lucy Torres na 23 years old na kahapon.

“Happy Birthday my love! Always remember that you will always that little girl in my mind and in my heart.

“Always keep in your heart that mom and I love you so much and we only wish and want the best in your growing up life.

“Happiest birthday to you!!!”   ang birthday message ni Cong. Richard kay Juliana na isang national athlete for fencing sa kasalukuyan.

Kung sabagay nauna nang sinabi ni Juliana na hindi niya nakikita na magpapakasal kaagad siya. “It’s different now, ‘di ba? Because during my mom’s time, or during my grandparents’ time, people got married earlier.

“It’s different now. And I’m still in college,” pahayag niya sa aming last interview.

Nabanggit na rin nito na wala na siyang balak balikan ang volleyball.

Tututukan na lang niya ang fencing. Na ikinatuwa ng daddy niya.

Member ng volleyball team ng UP Diliman si Juliana bago siya nag-concentrate sa fencing.