Grandest si Nikki!

CEBU, Philippines — Ang 19-anyos nga pambato sa Cagayan de Oro City nga si Nikki De Moura, maoy nakoronahan isip labing unang Miss Grand Philippines ubos sa ALV Pageant Circle ni Arnold Vegafria.

Gipilde ni De Moura ang 29 ka mga kandidata lakip na ang sikat nga si Herlene Nicole Budol o Hipon Girl, kinsa nakorohan isip Miss Tourism International.

Gawas sa korona, si De Moura sab ang nidaog isip Miss Bench, Miss Philippine Airlines, Miss Photogenic, ug usa sa lima ka brand ambassadors sa Skin Element.

Ang Fil-Brazilian nga si De Moura kanhi nakoronahan isip Miss Teen Philippines 2019. Nitapos sab siya isip first runner-up sa Netflix modeling search sa Asya, Supermodel Me.

Ang Reina Hispano Americana Filipinas 2023 nalangkat sa pambato sa Bagumbayan, Quezon City nga si Michelle Arceo. Siya sab maoy Best in Swimsuit, Miss Hello Glow, ug Miss Acqua Boracay.

Samtang gawas sa korona ni Budol,siya sab maoy napili nga Miss Bluewater Day Spa, Miss Ever Bilena, Miss Arena Plus, Miss Mermaid Manila Hair, ug Best in Runway.

Si Francine Reyes sa Tarlac maoy napili nga Miss Eco Teen Philippines. Nidaog sab siya isip Miss K-Magic,  ALV Talent, ug usa sa lima ka  Skin Element  ambassadors. Sila si Shanon Tampon sa Caloocan City, ug Charie Sergio sa Caluya, Antique maoy  first ug  second runner-up. Si Shannon, maoy nidaog isip Miss Multimedia, samtang si  Charie maoy nakaangkon sa Best in Evening Gown award.

Gawas sa  korona, ang mga mananaog nakadawat sab og  cash prize, management contract sa ALV Pageant Circle, ingon man movie contract sa Octo Arts Films ug ALV Films.

Si Nikki gitakdang morepresenta sa Pilipinas sa Miss Grand International pageant didto sa Thailand karong October.

Okay sila

Okay matud pa sila si Liza Soberano ug Enrique Gil. Kini maoy gibutyag sa aktor ngadto kang Gretchen Fullido kinsa nangumusta nilang duha. Suma ni Enrique, busy matud pa sila sa ilang tagsa-tagsa nga career, apan padayon silang nagsuporta sa usa'g-usa."You know, kahit super busy kami, we still support each other no matter what. So, yeah, I'm super happy for her."

Halinon sa Europe

Halinon si Kakai Bautista sa mga European, busa mas ganahan siya kun foreigner iyang maka relasyon. "Kasi, pag nagta-travel talaga ako sa Europe, like sa UK and Swtzerland, di ba, marami talagang lumalapit. Alam mo naman ang fez natin, di ba?! Headturner iyan sa Europe! Mabenta talaga!” Forty-five years old na si Kakai, ug desisyon gyud niya pa nga single lamang usa siya karon.

Normal ra malaos

Dili mahadlok si Bea Alonzo nga ma laos. Mao kini diretso niyang tubag sa pangutana ni Boy Abunda kun mahadlok ba siya nga ma laos. Nibalik si Bea sa Fast Talk With Boy Abunda niadtong Huwebes aron magpromote sa bag-ong show Battle of the Judges. "Sa totoo lang, Tito Boy, hindi... to be totally honest with you,” kalmadong tubag ni Bea. "Because I believe lahat tayo darating doon. You have to be gracious about it."

Naalim nga samad

Aminado si Sunshine Cruz nga malisud gyud matud pa kaniadto ang iyang gibati sa pagbuwag nila sa kanhi niya bana nga si Cesar Montano. Pero matud pa niya ngadto kang Karen Davila, nakaamgo na lamang siya usa ka adlaw niana nga wala na siya naglagot kang Cesar. "Ang hirap that time. Pero sabi ko nga, lahat ng pain, lahat ng sugat, kahit nga ang sugat, e, naghi-heal yan, e. So, yun yung dumating sa akin na parang nakita ko, lalo na yung mga bata kapag kasama nila yung tatay nila, they’re very happy.”