Paniguro gyud!

CEBU, Philippines — Nagpunay og tan-aw og mga Bisaya nga videos si Beauty Gonzales karong mga panahona isip pangandam alang sa umaabot niyang sitcom sa GMA7 nga “Walang Matinik Na Mister Sa Matulis Na Misis,” diin personal choice siya ni Senator Bong Revilla. Excited si Beauty sanglit pangandoy gyud niya nga magbida sa usa ka sitcom aron mapakita niya nga aduna sab siyay katakos sa comedy. Dakong dungog alang niya nga personal gyud siya nga gipili ni Revilla busa nangandam gyud siya og maayo pinaagi sa pagtan-aw sab sa mga pelikula sa senador kaniadto. Bisaya si Beauty, apan niya pa, dili na kaayo siya magbisaya sa ilang balay bisan pa og daghan siya og kauban  sa balay nga Bisaya pud. Kini kay masuko na iyang bana sanglit dili kini makasabot sa ilang gi-istoryahan, hinungdan nga nagresearch siya og Bisaya videos gumikan kay daghan kaayo siya og Bisaya lines sa nahisgutan nga sitcom. Todo workout sab siya aron dili siya malupigan matud pa sa isikit sab nga laing leading lady sa senador. Si Max Collins ang lain pa nga leading lady sa senador.

Wow, kamo na!

Sila si Anne Curtis ug Kathryn Bernardo ang most-followed celebrities sa Instagram dinhi sa nasud. Si Anne Curtis adunay 19M followers, samtang si Kathryn Bernardo may 17.7M. Importante ang daghan og social media followers sanglit usa na kini sa gihatagan og gibug-aton sa mga advertisers sa pagpili sa ilang endorsers o brand ambassadors.

Walay pagtugot

Gikiha sa pamilyang Quizon ang tiggama og ilimnong makahubog nga nigamit sa nawong ni anhing Comedy King Dolphy ug sa ngan nga Banayad Whisky. Suma ni Eric Quizon, patented ug copyrighted nila kini, ug walay koneksyon ang ilang amahan sa maong produkto. Matud niya, nakig-alayon kanila ang tiggama sa maong produkto sa sinugdanan, apan wala na kini nakig-cumminicate kanila karon. “This serves as a warning to all. This bootleg seller is using my dad's image and banayad whisky, which are patented and with copyrights. At first they cooperated with us but stopped communicating when the Quizons demanded them to stop selling. We have filed a case against [them]. Please BEWARE! #banayadwhiskey,” nagkanayon ang 56-year old actor sa iyang IG post.

I love myself…

Wala sa gipapilian ang gitubag ni Barbie Forteza atol sa iyang #AskBarbie game alang sa iyang Twitter followers bag-ohay lang. Usa ka citizen ang nangutana kun unsay iyang pillion: love life o showbiz career? Walay gipili si Barbie niini, sanglit “sarili ko” or “myself” ang iyang gitubag. Niining bag-o lang, nahimong isyu sa mga fans sa loveteam ni Barbie ug David Licauco ang relasyon sa aktres ug Jak Roberto. Kini kay may mga fans nga nanghinaot nga magkauyab gyud si Barbie ug David human sa ilang makakilig nga panagpares sa toprating series sa GMA7 nga “Maria Clara at Ibarra” niining bag-o lang. Apan niingon si Barnie nga trabaho ra gyud ang tanan gumikan kay aduna siya'y karelasyon sa tinuod nga kinabuhi.

Hayan malakip

Naumol sa hunahuna sa netizens nga hayan malakip si Liza Soberano sa musunod nga Crazy Rich Asians movie ni Kevin Kwan. Kini human nag-upload og hulagway si Liza sa Instagram diin kauban niya sila si Kwan ug si Yellow Rose director Diane Paragas. Ang Yellow Rose, musical drama film nga gimugna didto sa Amerika diin mga bituon niini mao sila si Lea Salonga, Princess Punzalan ug Noblezada. Sa nilabay nga semana, nabalita nga anhi sa Pilipinas ang shooting sa musunod nga pelikula nga kinutlo sa libro ni Kwan.

Nasugamak si Jennica!

Giangkon ni Jennica Garcia ngadto kang Amy Perez sa interview niini sa programang Sakto sa Teleradyo nga moatras diay unta siya sa iyang role sa Dirty Linen.

Kini kay nakugang siya sa background sa iyang karakter nga si Lala, kinsa usa karon sa gikahimut-an ug gihangop og maayo sa viewers sa maong teleserye.

Nauwaw lamang matud pa siya sanglit siya mismo maoy nangayo og project, ug dihang gihatagan na, gidawat niya dayon nga walay research kabahin sa iyang karakter nga usa diay ka kanhi club dancer hinungdan nga sa unang mga episodes aduna siyay sexy costumes ug scenes.

"Andun po yung kaba talaga. Lalo na yung sinabi sa akin yung history ni Lala, nagtatrabaho siya sa bar, na prostitute siya.

"Nag-meeting po talaga kami kasi nakakahiya po, kasi hiningi ko yung trabaho, pero parang gusto ko na ring umurong.

"Kasi po hindi pa ko nakagawa ng ganitong klaseng role."

Litaniya ni Jennica ngadto kang Amy.

Nalisdan gyud siya sa iyang mga eksena apan gihunahuna na lang niya nga ka level niya si Miss Universe 2015 Pia Wurtzbach.

"Sa totoo lang po pag sinusuot ko po si Lala, nakakahiya kay Miss Pia Wurtzbach, pero iniisip ko po talaga kahit hindi ko siya kamukha.

"Kahit magkaiba kami ng level ng ganda, iniisip ko pag action na, meron akong confidence ni Pia Wurtzbach, meron akong alindog ni Pia Wurtzbach, meron akong katawan ni Pia Wurtzbach.

"Kahit wala, parang iniisip ko na lang po siya sa isip ko para maitawid yung eksena."