GMA teen star Andrei Sison patay sa car accident; Marco Sison iniluksa ang apo
MANILA, Philippines — Pumanaw na ang Kapuso artist na si Andrei Sison matapos madisgrasya habang nakasakay ng kotse, ayon sa pahayag ng Sparkle GMA Artist Center.
"Sparkle GMA Artist Center sadly announces the passing of one of its teen artists Andrei Sison, due to a car accident early this morning," ayon sa kanilang pahayag, Biyernes. "Our sincere condolences to the family and loved ones of Andrei."
Huwebes lang nang nag-taping pa si Andrei para sa isang variety show sa GMA Studios, ayon sa GMA News. Nakaalis naman na raw siya bago pa mag-7 p.m. kagabi.
Sabi ng kapulisan, nangyari ang insidente bandang 2:30 a.m. kanina. Bandang 5:30 a.m. na nang makakuha ang Sparkle ng tawag mula sa mga kamag-anak ni Andrei.
"We request everyone to respect his family's privacy in this time of great loss and join us in praying for the eternal repose of his soul," sabi pa ng Sparkle.
"He was a well-loved and much cherished member of the Sparkle family. We will miss you, Andrei. Be with God now."
Punong-puno ng pagdadalamhati ngayon ang kanyang fans, gaya na lang sa kanyang huling larawang ipinaskil sa Instagram na siyang binaha ng pakikiramay.
'Ang lungkot, 17 pa lang siya'
Hindi naman mapigilan ng tanyag na mang-aawit na si Marco Sison ang kinasapitan ng kanyang apo.
"Our family is saddened by the sudden tragic demise of Andrei. He’s only 17 years old," ani Marco sa isang ulat ng Pep.Ph.
"Medyo mahiyain siya but there’s potential and my advise to him was practice more."
"We appreciate all your message of condolences, these will help us through our grieving process knowing that Andrei is loved and remembered by his friends."
Si Andrei ay anak ng aktor at dating "That's Entertainment" member na si Alain Marco Salvador.
Sinasabing ibuburol ang labi ng teen star sa Loyola Memorial Chapels and Crematorium sa Commonwealth, Quezon City.
- Latest
