Good luck, Erik!

CEBU, Philippines — Molarga na ang pambato sa Pilipinas sa Mr. Universe Tourism nga si Erik Lennart Visser karong Sabado. Ang ang pre- pageant activities sa maong indigay, magsugod na sa Lunes puhon didto sa Bali, Indonesia. Ang lumad sa Dumaguete City nga si Erik, dinhi na nagbase sa Sugbo sukad niadtong 2019. Psychology graduate siya gikan sa Siliman University, ug ubos sa pagdumala sa Admire Models Philippines sa sikat nga fashion designer sa Sugbo nga si Dexter Alazas.

Ingon anion

"Tshirt mo". Ang caption ni Ivana Alawi niining mao niyang hulagway nga gi-upload niya sa iyang FB page niadtong nilabay nga adlaw. May mga nikomedya nga kinahanglan gyud diay matud pa i-isa ang t-shirt inig sul-ob aron mas nindot tan-awon.

Level 5

First time matud pa ni kanhi Hashtag member Nikko Natividad nga mohimo og kissing ug bed scenes. Kini pinaagi sa Vivamax movie nga "Salamat Daks" nga usa ka sexy-comedy film ug magsugod ang streaming karong adlawa. Kauban niya niini sila si Ayanna Misola ug Alma Moreno. Ug kay first time niya, nahugyaw siya human nasayud nga aduna diay level ang pagpasexy nila sa VivaMax. "Sa Vivamax pala, may mga level pala, level one to five. Hindi ko naman alam kung ano ang ibig sabihin nun. In-explain nila na level 5 po yung pinagawa nila sa akin. So, sabi naman nila, 'Sexy comedy naman tayo.' Pero level 5 yung mga bed scene talaga, may threesome, may Kama Sutra, may mga ganyan," niya pa.

Negosyante na

Nahibalik na si Gabbi Garcia sa Pilipinas gikan sa taping sa Unbreak My Heart teleseries sa ABS-CBN ug GMA7 didto sa Switzerland. Ug ang opening sa Marqed Salon fourth branch sa BGC niadtong March 8, ang una niyang giatiman. Business partners sila sa hair expert nga si Mark Anthony Rosales. Si Gabbi matud pa mao ang "face of BGC branch", ug motabang sab matud pa ang actress sa konsepto isip business partner. “Siyam na taon na kaming magkasama ni Gabbi at ever since naman, we’re like a team na kaya naging madali na nang magkaroon kami ng chance to have a business together." Ni Rosales pa ngadto sa PEP Cabinet Files. Suma pa, paborito si Rosales nila ni Lovi Poe, Marco Gumabao, Andrea Torres, Khalil Ramos ug Barbie Forteza.

Dedikasyon ni Jake

Na injury si Jake Cuenca sa taping nila sa Iron Heart niadtong Domingo ug Lunes, pero gibalewala ra niya ang kasakit ug padayon gihapon siya sa trabaho. Suma pa niya ngadto sa PEP Troika, gibubo niya ang tanan nga iyang makaya ilabi na sa fight scenes gumikan kay nakita niya ang labihan nga paningkamot sa production team aron mas mapanindot pa ang ilang teleserye. Maikod matud pa siya nga magpaluyaluya. Dugang pa niini, nagkadaghan gyud ang motan-aw sa ilang teleserye ni Richard Gutierrez matag gabii hinungdan nga mawagtang ang ilang ka kapoy. Ang nahisgutang ABS-CBN teleserye ania dinhi sa Sugbo gam-a.

Buotan si Seagal

Aduna gihapoy komunikasyon sila si Kylie Versoza ug Hollywood action star Steven Seagal. Nagkaila sila didto sa Dubai niadtong December atol sa Distinctive International Arab Festivals diin nidaog si Kylie nga best actress gumikan sa maayo niyang pag-arte sa Pinoy version sa Korean movie The Housemaid. Sa presscon sa Baby Boy Baby Girl nila ni Marco Gumabao niadtong Martes, gibutyag ni Kylie nga managhigala matud pa sila ug buotan ang nahisgutan. "Nasira niya yung walls ko, we have a good friendship. Once in a while, nagte-text kami." Samtang sa Baby Boy Baby Girl nga ubos sa direksyon ni Paul Laxamana ug isalida sa mga sinehan sa March 22, gibutyag sa kanhi Miss International nga magpakatawa siya, sukwahi sa nakalabay niyang projects.

Depende sa istorya

Giklaro ni Joseph Marco nga bisan og nagpasexy siya sa iyang underwear photos isip endorser, wala kini nagpasabot nga magpa sexy na lang pud siya sa iyang mga projects. Pero dili sab gyud matud pa siya mobalibad og daring projects, basta mao gyud ang pangayuon sa usa ka dekalidad nga salida. Dako ang pasalamat sa 34-anyos nga si Joseph nga gitugtan siya sa iyang mga ginikanan nga magpaka daring sa maong underwear endorsement.