Next chapter

CEBU, Philippines — Mao na ang pasiunang caption ni 2016 Miss International Kylie Versoza niining mga hulagway nga iyang gi-upload kagahapon.

Agi matud pa kini'g pagsaulog kay naka 1 million views na ang trailer sa Ikaw Lang Ang Mahal, ang iyang latest movie ubos sa Viva Films, diin leading man niya si Zanjoe Marudo.

Hangtud karon, wala pa gyuy pamahayag si Kylie kabahin sa panagbuwag nila ni Jake Cuenca human sa tulo ka mga tuig nga relasyon. Si Jake mismo ang nibutyag niini pinaagi sa iyang Instagram adtong Sabado. Ang tsika, si Kylie maoy nakigbuwag gumikan sa wala pa matino nga rason.

Giandaman ang mga lig-on!

Sigurado na ang pagbalik pelikula nila ni Anne Curtis ug Vice Ganda sa Viva Films, samtang giandam sab ang projects nga pilian ni Sarah Geronimo.

Kini maoy tsika sa COO sa Viva nga si Vincent del Rosario Jr. ngadto sa press mahitungod sa ilang mga big stars.

Ang rebelasyon ni del Rosario  nahitabo atol sa "Summer to the Max" event sa VivaMax niadtong Martes sa hapon diin gipahibawo ang lineup sa pelikula hangtud na sa September.

“Si Anne, hinihintay lang yung script.

"In essence, okay naman siya. Gusto lang niya mabasa ang script so that can happen in the next quarter, in the next few months."

Samtang si Sarah matud pa, pilian kaayo og project busa giandam pa ang ilang itanyag ngadto sa Pop Princess.

“Meron siyang concept na gusto. Kailangan lang i-fine tune para pumasok sa gusto niya.

"Basically, ang gusto niya, gumawa ng musical movie so we have to find the right theme.

“Si Vice naman, inaayos na. Nag-uusap na sila ni Boss Vic for her next project. Hopefully for the festival and there after, for the platform."/ Gikan sa PEP

Nadayon gyud!

Gikalipay kaayo ni Miss Universe 2021 Haarnaz Sandhu nga nagkakita na gyud sila pag-usab ni Miss Universe Philippines Beatrice Gomez. Suma pa sa Indian beauty-queen, usa si Bea sa iyang mga bestfriends sa nakalabay nga Miss Universe pageants didto sa Israel. Dako niyang kalipay kay natuman na gyud ilang gipangandoy nga makatekang siya dinhi sa Pilipinas. Usa si Sandhu sa mga hurado sa nasudnong indigay sa kaanyag karong Sabado, April 30.

Thank you!

Mapasalamaton kaayo si Jodi Sta. Maria sa mga content creators nga naghimo og memes ug spoofs sa mga eksena sa ilang trending series nga The Broken Marriage Vow. Usa sa trending karon mga spoof mao ang iyaha sa content creator nga si AC Soriano, diin gisundog niini ang memorable nga eksena diin gibutyag ni Dr. Jill ngadto sa pamilya ni Lexy, nga nagsabak kini ug ang amahan sa bata, mao ang iyang bana. Nibilib kaayo si Jodi kay one man show ra gyud kang AC, buot pasabot siya tanan ang nidala sa nagkadaiyang characters sa maong eksena.

Reunion

Kaduha na nakabalik si Kim Chiu sa Cebu sulod sa usa ka semana. Una niyang anhi may kalambigitan sa pagsuporta niya kang VP Leni Robredo. Ang ikaduha, may labot na sa iyang pakig reunion sa iyang mga classmates sa high school. Post sa It's Showtime host sa nilabay nga adlaw nagkanayon: Nag piti piti jud ang pag binisaya ani ba, bitin lang pero that was fun and amazing experience for 1 1/2 hour. Abi nako ni balik ko ug estudyantis cherish school!  Lingaw kaayo!!! Thank you guys!!!! Sa sunod napud puhon.  special thanks to @verymaryty sa biglaan on the spot service. hihi lig on.