Jake, susubukang ‘ayusin’ si Kylie?!

“I will try to fix you..” Ang Instagram story ni Jake Cuenca na kasalukuyang nasa lock-in taping nila ni Isabelle Daza para sa isang series na ipalalabas sa Viu.

At ang impression ng netiznes ito ang sagot ng actor sa ‘Broken’ story ng girlfriend niyang si Kylie Verzosa na nag-host sa Leni-Kiko rally sa Manila the other night.

May IG story pa si Jake na “I wish I could wipe away your tears…”

Naikonek naman ito sa biglang pag-iyak ni Kylie sa It’s Showtime kung saan sila hurado nila Ruffa Gutierrez sa segment na Showtime Sexy Babe kung saan during the interview portion, biglang umiyak si Kylie nang pag-usapan ang breakup at nag-sorry na siya nang hindi na nakapagsalita dahil nakatakip na ang kamay sa mukha at lumuluha.

Sinabi naman nitong nadala raw siya.

Pero ang bilis ng netizens, nag-one plus one equals two na.

Samantalang si Jake nga raw ay busy sa taping ng K-Love sa Subic.

Ahh ‘wag muna sanang maging assuming ang followers nila dahil baka naman iba ang meaning ng kanilang mga pino-post.

Senatoriable na hindi pumapasok sa survey, magwi-withdraw na

Isang senatoriable ang magwi-withdraw ng candidacy any moment ayon sa isang source.

Ramdam daw ng senatoriable na hindi siya mananalo kaya ayaw na diumano nitong gumastos bukod pa sa hindi na magpapagod sa pangangampanya.

Never pumasok sa top 12 ng mga survey ang nasabing senatoriable.

Pero nasa balota pa rin ang pangalan nito kahit pa umatras siya.

First time sana nitong susubok sa senado.