Dili kwarta…

Giklaro ni Toni Gonzaga sa tsikahan nila sa content creator nga si Wil Dasovich nga dili kwarta ang rason nganong hingpit na siya nga nisulod sa kalibutan sa vlogging. Matud niya, sa duha ka dekada na niya sa showbiz, nakatigom na siya, busa wala na siya mag-apas sa iyang posibling kitaon gikan sa Youtube. Gibuhat na lamang matud pa niya karon ang mga butang nga makapalipay niya, ug usa na niini ang vlogging.

Ka buak!

Daghang nahimuot sa latest vlog ni Angeline Aquino diin gitubag niya ang pipila ka pangutana gikan sa netizens pinaagi sa iyang “Sagot o Lagot Challenge” episode niining bag-o lang. Kini dihang gibutyag niya nga may ka date siyang showbiz personality kaniadto sa medyo mahalon nga restaurant ug dihang giduol na sila sa waiter alang sa ilang bayranan, siya matud pa ang nakabayad sa ilang gikaon. Wala na lang hinganli Ni Angeline kinsa ang maong personalidad.

“My heart is with you”

Emosyonal nga nanamilit si Jaya kagahapon sa It’s Showtime nga maoy iyang katapusang adlaw niini. "It's Showtime, Tawag ng Tanghalan, ABS-CBN, my heart is with you,” mensahe niya. Adto na sila manimuyo sa Amerika sanglit naglisud sila dinhi sa nasud gumikan sa pandemya. Gani, tua na ang iyang pamilya sa Amerika sa sayong bahin niining tuiga.