Sheena doble ingat para sa baby

Masayang ibinalita last week ng Kapuso actress na si Sheena Halili na siya ay nagdadalang-tao na. Ayon sa aktres, isang buwan matapos silang ikasal ng asawa na si Jeron Manzareno noong Pebrero ay nabuntis na siya.

Aniya, “After a month naming kinasal, nagka-baby kami agad. Nagulat nga kami kasi siyempre hindi natuloy ‘yung honeymoon namin. May blessing agad si Lord after nu’ng kasal.”

At dahil sa patuloy pa rin nating kinakaharap ang COVID-19 pandemic, hindi maiwasan ni Sheena na maging emosyonal dahil iniisip niya ang kapakanan at kinabukasan ng kanyang anak.

“Siyempre, hindi mo rin talaga maiwasan mag-worry, iba kasi talaga. Sabi ko kung ako lang, kung tayo lang, kaya natin pero ngayon talagang may baby, sobra talagang mas naging protective kami,” dagdag pa ni Sheena.