Janine sumali sa Grand Mañanita!
MANILA, Philippines — Sumali si Janine Gutierrez kahapon sa ginanap na Grand Mañanita sa University of the Philippines Diliman para sa celebration ng 122nd Independence Day.
Kaugnay din ito sa protesta ng marami sa Anti-Terror Bill na nasa Malacañang na at pirma na lang ni President Duterte ang kailangan.
Tinawag ang nasabing kilos protesta na Grand Mañanita dahil ‘inspired’ ito sa idinaos na birthday celebration ni NCRPO Chief Debold Sinas na nag-party noong enhanced community quarantine kahit bawal ang social gathering.
“Muntik na akong hindi makadalo sa mañanita dahil napakahigpit ng bouncers! Pero sa huli, nakaabot din. Happy independence day, Pilipinas. Mahal ka namin,” ang tweet kahapon ni Janine.
Pinasalamatan naman siya ng aktibistang si Renato Reyes Jr.
“Salamat sa pagdalo! Stay safe!,” sabi ni BAYAN Sec. General Renato Reyes.
Dumagsa nga sa nasabing Grand Mañanita ang activists and right advocates para patuloy na i-protesta ang Anti-Terror Bill. In all fairness, base sa mga nagkalat na coverage sa Grand Mañanita ay nag-practice sila ng social distancing.
Actually, isa lang si Janine sa maraming celebrity na nakisali sa nasabing Independence Day event at lantaran ang pagkontra sa Anti-Terror Bill.
Nauna nang nagparinig si Janine kay Cong. Vilma Santos sa pagpirma nito kahit may ‘reservations.’
May sariling delivery app na...
Dingdong mahaba ang depensa sa pag-ayaw sa anti-terror bill
Mahaba at malinaw naman ang opinion ni Dingdong Dantes sa pagkontra sa Anti-Terror Bill.
But in a nutshell, mayroon daw ilang mga seksyon sa panukalang batas na ito na puwedeng tanggalin para maging epektibo ang naturang batas sakaling pirmahan na ito ni Pres. Duterte.
Narito ang bahagi ng kanyang post : “Artists were not consulted on this bill, and yet we are among those whose personal and professional lives are at stake. Contrary to the notion that we only exist to entertain, artists are actually vital storytellers of our nation’s past, present and future. We help bring people together; we help Filipinos stand as one nation as we have always done in the past and are continuing to do during the current pandemic.
“And since the Filipino’s cooperation, support, trust, and confidence is critical in the fight against terrorism, we, artists assert our role and responsibility in helping craft the law so that we may better contribute in bringing the people together towards one goal which is freedom and peace.
“We need an opportunity to present our case. There are several sections in the bill that may be entirely deleted without rendering the law ineffective. One is Section 9, Inciting to Commit Terrorism, which is defined by the bill as “any person who, without taking any direct part in the commission of terrorism, shall incite others to the execution of any of the acts… by means of speeches, proclamations, writings, emblems, banners or other representations tending to the same end.
“Would deleting this section make the law useless? I believe not. But it would certainly protect the people’s freedom of speech and expression, especially that of the artists’ community.
“Kung hindi na natin makukumbinsi ang Pangulo na i-veto ang Anti-Terror Bill, nananawagan kaming magkaroon ng representasyon at partisipasyon sa paggawa ng implementing rules and regulations ng Anti-Terror Law. Umaasa kaming mga aktor na maririnig at pakikinggan ang aming boses. I too hope that we can still find a way to create an ideal Anti-Terror Law that respects Filipino’s constitutional rights and limitations within an environment of public trust and confidence,” ang bahagi ng Independece Day post ng mister ni Marian Rivera na may ilulunsad na delivery app, Ding Dong PH, na ang target ay gawing rider ang maraming naging jobless na showbiz workers dahil sa coronavirus pandemic.
Labanan ng mga boses at pangarap, tuloy na sa The Voice Teens
Matapos ang tatlong buwang pamamahinga, mapapanood na uli ang tagisan ng boses at pangarap sa ikalawang season ng The Voice Teens sa Kapamilya Channel simula ngayong weekend (Hunyo 13 at 14).
Magpapatuloy ang Blind Auditions kasama ang mga coach na sina Apl.de.ap, Sarah Geronimo, Bamboo, at Lea Salonga, na mayroon nang tig-13, 11, 12, at 11 teen artists sa kani-kanilang teams. Bago tutuloy sa susunod na round, kailangan ng 16 artists ang bawat coach.
Para naman mabalikan ang mga naganap sa reality-singing competition, inilunsad ng The Voice PH ang online show na The Voice Teens Stay at Home, Sing at Home sa OKS (oks.abs-cbn.com). Tampok dito ang 47 teen artists na nakapasa na ng Blind Auditions, ang kumustahan nila sa coaches nila sa pamamagitan ng Zoom, at pagbibigay nila ng updates sa buhay nila habang may quarantine.
Mapapanood ang The Voice Teens sa Kapamilya Channel (SKYcable channel 8 sa SD at channel 167 sa HD, Cablelink channel 8, G Sat channel channel 2, at karamihan ng cable operators na miyembro ng Philippine Cable and Telecommunications Association (PCTA) sa buong bansa).
- Latest
