Hosts sa the clash

CEBU, Philippines — Silas si Ken Chan, Rita Daniela, Rayver Cruz ug Julie Ann San Jose ang mga hosts sa umaabot nga ‘The Clash’ Season 2. Mahitabo ang premiere night sa maong show karong buwana na.

Gitangtang ang wig

Gipamatud-an ni Arnell Ignacio nga walay gigamit nga prosthetics alang sa iyang karakter  sa pelikula nga ‘Damaso’, diin siya maoy bida. Wala siya migamit og wig sa maong pelikula gumikan kay nag-promote sab siya sa iyang negosyo kabahin sa pagpatubo og buhok.

Panghinaot ni direk paul

Nanghinaot si Direk Paul Basinillo nga daghan pa nga mga local concerts ang mapakita pa sa daghang tawo. Dakong kalipay sa direktor nga nakita na sa Netflix ang iyang gihatagan og direksyon nga concert ni Sarah Geronimo nga ‘This i5 me’.  “As a director, I guess it’s a first film concert and Netflix Original from the Philippines. I’m so honored and humbled at the same time to be part of the Netlfix Originals family. Nakakataba po ng puso. And I would like to take this opportunity to honor the people behind the show and the film”, padayag pa ni Direk Paul.

Gusto makipagkolaborasyon

Gusto nga makipagkolaborasyon si ‘X Factor UK’ contestant Maria Laroco ngadto kang JK Labajo. Managsama nga produkto ang duha sa ‘The Voice Kids’  season one. Kaila na sila sa usa’g usa ug matud pa ni Maria nga komportable siya nga si JK ang una niya nga makatrabaho sa paggama og musika.

Simple ang tinguha

Tinguha sa beteranong actor nga si Michael de Mesa nga mahimong aktor lang ug moarte. Wala niya gitinguha nga mahimong ilado sa industriya. Matud pa niya nga wala niya gilimitahan ang iyang kaugalingon sa pagdawat og mga role nga itanyag kaniya bisan og gamay lang kini. Tuig 1973 siya nagsugod sa pag-arte ug hangtud karon anaa gihapon siya sa industriya ug padayon nga nagdawat og mga proyekto.

Usa lang ang gi-follow

Mi-esplikar si JK Labajo kun ngano ang iyang uyab lang nga si Maureen Wroblwitz ang iyang gisunod sa Instagram. “Madami akong nakikita before sa mga fina-follow ko, kung anu-ano nakikita ko, gulo lang. So at least mga post niya lang (nakikita ko) para ma-like ko agad”, suma pa niya.

Balay sa Siargao

Gipakita na ni Andi Eigenmann ang padayon nga gitukod nga balay sa iyang pamilya sa Siargao. Excited si Andi ug ang iyang kabanay nga matapos kini tungod kay anaa gyud kini nahimutang sa isla nga mao ang paborito nga lugar sa iyang pamilya kun diin duol kini sa dagat.

Naghinay-hinay og bangon

Gikalipay ni Janno Gibbs nga mibalik na sa normal ang dagan sa iyang karera karon. Matud pa niya nga nahagba ang iyang karera ug dagan sa kinabuhi sa dihang mikatap ang iyang video scandal niadtong miaging tuig. “Talagang medyo na-down ako, hindi ko naman itinatanggi yun. But now, I’m very happy na I’m with Viva, at bumabalik ulit ang confidence ko. Medyo missing in action talaga, admittedly”, siya Janno miingon.

Karera ni Seth

Nagpadayon ang maayo nga dagan sa karera sa kanhi Pinoy Big Brother: Otso housemate nga si Seth Fedelin. Karon nga kanunay na siya nga makita sa ‘Kadenang Ginto’ matag hapon, bida sab siya sa iWant series nga ‘Abandoned’ kun diin makauban niya si Beauty Gonzales.