Gikilig sa tandem

CEBU, Philippines – Sa kanunay nga pag-update ni Kristel Fulgar sa iyang Youtube Channel, daghan karon ang gikilig sa ilang tandem nga gitawag niya og ‘Big Boss’. Ang iyang big boss usa kini ka CEO sa Face Republic nga si Yohan Kim. Matud pa ni Kristel nga nagpadayon ang ilang paghinigalaay sukad niadtong Oktubre 2018 sa dihang nahimamat kini niya sa Ninoy Aquino International Airport samtang  nagpaingon siya sa South Korea.

Mga opisyales nakugang

Miulbo karon ang chika nga matud pa nga daghang nakurat ilabi na ang mga opisyales sa GMA-7 sa kalit nga pag-commit sa Pambansang Kamao Manny Pacquiao nga ang ABS-CBN na ang adunay katungod nga makakuha og coverage ug live telecast sa iyang boxing game batok ngadto kang Keith Thurman karong  Hulyo 13 sa MGM Grand Arena sa Las Vegas, Nevada. Usa ka exclusive Kapuso talent si Pacquiao mao nga nakurat  ang kadaghanan sa maong panghitabo.

Ubos ang pagtan-aw

Inspirado karon ang aktor nga si Alfred Vargas sa dihang midaog siya pagbalik isip 5th District representative sa Quezon City. Gitug-an niya nga wala siya magdahom nga magdugay siya sa politika. Matud pa niya nga niadtong bag-o pa lang siya sa posisyon, mabati niya  nga ubos ang pagtan-aw sa mga tawo ngadto kaniya. “Oo naman, noong una medyo nasaktan ako e, parang grabe pala ang baba pala talaga ng tingin nila (sa taga showbiz) lalo na ang mga elitista, na-surprise nga ako e. Kasi ‘yung iba sikat na personality mababa din pala ang tingin nila”, suma pa ni Alfred.

Unahon ang pagtuon

Gitataw ni Juliana Gomez nga maghigala lang sila ni  Andres Muhlach. Matud pa niya nga tutukan una niya ang iyang pagtungha karon ug target niya nga  mo-eskwela  sa University of the Philippines. Dugang pa niya nga dili una niya hatagan og prayoridad ang lovelife ug ang showbiz.

Nakaagi  og awkward stage

Inspirasyon ni Miss Universe-Philippines 2019 Gazini Ganados ang iyang nasinati nga awkward stage bisan og naangkon na niya ang korona. “Even in the everyday moment if our life I still have that moment where I question myself, I doubt my work. But at the end of the day I love what I’m doing”, suma pa ni Gazini.

Nagpaubos sa timbang

Gawas sa pagpangandam sa ilang mga birit nga kanta, aduna sa’y gipangandaman sila si K Brosas ug Angeline Quinto alang sa ilang joint concert sa Big Dome. Matud pa sa duha nga angayan atangan sa ilang  fans  ang ilang mga pasabog nga mga outfits, mao nga punay ang ilang pagpakunhod sa ilang timbang ug swak gyud kanila ang ilang ipanul-ob. 

Beauty secret

Gipaambit ni  Dawn Zulueta ang rason  kun nganong nagpabilin ang iyang kaanyag bisan og 50 anyos na siya. “I really don’t have a secret. I guess my only secret lang is hindi ako nagtatanim ng sama ng loob”, suma pa ni Dawn.

Cancer free na

Malipayong gipahibalo ni Mr. Pure Energy Gary Valenciano ang maayong balita nga cancer free na siya. Tuig 2018 sa dihang nalandig siya sa tambalanan tungod kay aduna siyay deperensya  sa  kidney. Matud pa ni Gary nga mipaubos siya og operasyon aron nga matangtang ang cancer niini.

Radical love

Mapasalamaton si Cherry Pie Picache ngadto sa mga tawo nga mitabang ug miunong aron nga matapos ang documentary film nga ‘Radical Love’ kun diin nagtuki kini sa istorya sa ilang pamilya ilabi na kadtong gipatay na ang iyang inahan lima ka tuig na ang milabay. Istorya pa niya nga hapit kini nga wala matapos tungod kay mahinumduman pa niini ang mga panghitabo kaniadto kun idetalye pa ang mga nahitabo sa maong insidente. Mapagawas ang ‘Radical Love’ karong Domingo sa Sunday’s Best. Nasayran nga gipasaylo na  sa aktres ang tawo nga nagpatay sa iyang inahan.