Royal Scandal?

CEBU, Philippines - Gipistahan karon sa Internet ang mga hubo nga hulagway ni Prince Harry human eksklusibo kini nga nahuptan sa www.tmz.com. Kuha matud pa ang maong mga hulagway atol sa usa ka party sa milabay nga semana didto sa Las, Vegas. Suma pa sa TMZ, nagdapit matud pa og mga babaye ang prinsipe alang sa usa ka party sulod sa iyang VIP suite sa Sin City, Biyernes sa gabii. Ang maong mga babaye nahimamat ni Prince Harry sa usa ka hotel resto bar. Didto sa lawak, nagkasabot matud pa ang grupo nga maghubo tanan samtang naglipaylipay ug mga kaubanan ra pud nila ang mikuha og hulagway sa gitawag nga “wild night.”

Duha ka mga hulagway sa 27-anyos nga prinsipe ang nahuptan sa TMZ. Ang una mao nga hubo siya ug gisalipdan ang iyang atubangang bahin, samtang may usa pud ka babaye nga nagpasalipod niya. Ang ikaduha mao nga daw mikabayo ang prinsipe sa usa ka hubo pud nga babaye samtang migakos niini ug nakita ang iyang sampot.

Wala pay reaksyon ang royal family niini sa pagsuwat sa balita. "We have no comment to make on the photos at this time," nagkanayon ang ilang representante.

Samtang nabahin ang reaksyon sa publiko niining maong kontrobersiya. May mga miingon nga nagpakita lamang kini nga normal nga tawo ang prinsipe, apan may mga miingon pud nga dako gayud kini nga kauwawan sa British throne ug dakong labad sa ulo ni Queen Elizabeth.

Kun kamo’y pangutan-on dear hugyawnatics unsay inyong baruganan niining maong “royal scandal” nga naglambigit karon kang Prince Harry? Ipabuhagay ang imong gibati pinaagi sa USA ka sentence lang nga reaksyon ug ipadala kini, uban sa imong ngalan ug address ngadto sa: 0923-9652435. Kutob ra sa 12 noon karong aldawa, August 23, ang pagdawat nato sa inyong mga reaksyon busa text text text na.

Nagkita kaha sila?

Mitambong si Jake Cuenca sa premiere showing sa pelikulang Guni-Guni sa Regal Films nga gibituonan ni Lovi Poe, kinsa gidungog nga gipanguyaban karon sa aktor. Mitambong pud sa maong kalihukan si Melissa Ricks, ex-girlfriend ni Jake, isip pagsuporta kang Empress Shuck kinsa apil sa maong pelikula.

Happiness ni Angelica

Hangyo ni Angelica Panganiban nga pasagdan lamang una siya sa publiko nga ma-enjoy ang gihulagway niya nga “happiness” dungan sa pag-angkon nga si John Lloyd Cruz maoy nag-upload sa mga photos nila gamit ang Instagram account sa aktres. Ang maong mga hulagway, may caption nga: Perfect Sunday.

Dateless Shaina

Sa labing unang higayon, mutambong si Shaina Magdayao sa Star Magic Ball sunod buwan, human usab sa panagbuwag nila ni John Lloyd Cruz. Ang pangutana sa mga himantayon, unsa kahay eksena kun mag-abot sila si Shaina, John Lloyd ug Angelica Panganiban sa maong kalihukan sanglit managsama sila nga sakop sa Star Magic?

Better person

Suma pa ni Vina Morales nga nahimong “better” ug dili “bitter” person ang iyang manghod nga si Shaina Magdayao human sa panagbuwag nila ni John Lloyd Cruz.

Jean vs. Agot

Kanunay nga maghinamhinam si Jean Garcia sa mga eksena nila ni Agot Isidro sa teleserye nila sa GMA-7, ang One True Love starring Alden Richard ug Louise delos Reyes. Suma pa ni Agot: “Showdown na ito. May the best woman survive sa mga eksena naming dalawa!”

Makig-friend ni Maria

Kiwaw man tuod tan-awon ug hunahunaon para sa uban, apan gipadayag ni Snooky Serna nga buot niyang mamahimong higala ang bag-o karong karelasyon sa iyang ex-husband nga si Ricardo Cepeda, si Maria Benipayo.

Love ang career

Tubag ni Jhake Vargas ngadto sa mga nagpunay og pangutana nganong wala pa siyay uyab hangtud karon mao nga, mamahimo na matud siyang mag-girlfriend, apan mas gipili niya nga ibubo ang iyang atensyon sa iyang career inay ngadto sa usa ka relasyon.

Mark hupas na

Giangkon ni Mark Herras nga mihupas na ang iyang “matinee-idol days” apan malipayon matud pa siya nga human sa pito ka tuig, naa lamang gihapon siya sa show business. Si Mark maoy labing una nga male winner sa reality artista search Starstruck, pares ni Jennylyn Mercado…Gikan sa PEP

Lindsay giimbestigar na pud!

Nag-atubang na usab karon og bag-ong isyu ang Hollywood actress nga si Lindsay Lohan human gipaubos na usab kini og imbestigasyon kalabot sa pagkawala sa mga mahalong butang sa usa ka balay sa Hollywood Hills.

Suma pa sa report nga miistar si Lindsay og usa ka gabii sa maong balay human kini mitambong og party.

Apan sa dihang nakamata na pagbuntag ang tag-iya sa balay,   nadiskubrehan na lang niini nga nahanaw na ang mga mahalon niya nga relo ug shades busa wala una niya pagawasa ang mga tawo nga nangatulog sa iyang balay samtang wala pa naabot ang mga polis.

Dako ang pagtoo sa tag-iya sa balay nga ang nagkawat sa iyang mga butang mao ang duha ka mga lalaki nga gidala ni Lindsay sa party.

Usa sa mga kauban ni Lindsay mao ang iyang 16-anyos igsuon nga si Cody.

Sa dihang gikuwestiyon sa mga otoridad ang aktres, wala kini mitingog ug mi-walkout.