Show me your Butanding dance

CEBU, Philippines - MNNAOTW mga Ka Tribung BisChikadora! Usa na pud ka hugyaw nga Domingo ang akong ipaambit kaninyo! Bisan pa man sa kasinatian nako sa Philhealth Cebu Cashier 11 nga dili man lagi kahibalo mopahiyum kung duna kay pangutana---feeling nimo mura kag sagabal sa ilang gibuhat---pero usa ra akong malenggua ni ate nga naa sa cashier 11 nga best in glasses kaayo: maayo pa mo-resign ka kung dili naka happy sa imong trabaho. See you next year sa akong pagbayad na pud sa akong quarterly nga contribution. Hinumdumi nga kaming mga yanong katawhan angay tagaan ninyo og maayong serbisyo kay ang among bayad mao’y nagsuweldo nimo. Maghinaut ko Cashier 11 sa Philhealth Cebu that you have the best health with your attitude. Maayo pa ang mga gwardiya nimo pagsulod nimo dunay nindot nga greetings, welcome kaayo ka! Feeling nako maayo pa sila kay naka attend og seminar sa customer service. Mo bow ko sa mga gwardiya sa Philhealth pero dili nimo Ate Cashier 11!

Husto na para sa Philhealth! Kay health is wealth! Hahahhaa! Hugyaw usab ang among kasinatian sa lungsod sa Oslob kauban ang mga winners sa BMB Meet and Greet the Butanding! Kadlawon pa lang kay among gikuha ang mga winners nga silang Bryan, Vanessa, ug Paul kauban ang among executive producer sa show nga si Vlad Fernando, ingon man silang Leniel, Bernard ug Winson, wala namo panumbalinga ang taas nga biyahe, excited na para mahimamat ang mga gentle giant and whalesharks. Kami ang labing unang naabot sa lugar, ga una pami sa mga staff, boatman dili kaayo mi excited? Hehehehhehe. Pagkahuman sa registration kay gisunod dayon ang briefing para sa mga angay buhaton namo kung naa kami sa dagat kauban ang mga butanding, sul-ob ang among life jacket, ang bayranan nga P500.00 each person. Ready to go na kaming tanan. Pagpadulong pa lang namo murag naay welcome waves ang mga butanding kay na klaro na namo ang ilang mga ikog, naka singgit ko sa kahugyaw! Ang nakanindot usab kay naa kay kuyog nga mo explain sa mga angay buhaton. Pag-ingon nga pwede ka molangoy with matching snorkeling sa wala’y pagduhaduha ni swimming gyud dayon ko kauban ang boatman pero nisinggit na usab ko for the second time around kay bisan og nagpalayo ko unsa ba oi feeling sa mga butanding siguro ako ang nawagtang nila nga mother butanding muduol man gyud sila nako. Na problema ko unsaon nako pagbalik sa bangka kay kuyawan ko nga matuwad kini. Sige ko’g katawa kay duha ka boatman ang nagtabang nako para makasaka ko sa bangka. Hahahahahha!

Para sa dunay mga plano nga muadto sa lungsod sa Oslob para ma meet and greet ang mga butanding mao kini ang mga pipila ka mga tips nga akong ipaambit kaninyo.

1. Alas singko y medya dapat naa namo sa lugar.

2. Para maka-save mo pagpalit na og mga pagkaon para naa mo makaon pag- abot, pero lami rapud adto mo mokaon sa mga tindahan nga duol sa lugar kay init ang tinowa-- fresh ang isda. Pwede ka magpaluto sa imong gusto basta naa sila.

3. Kung naa naka sa area kung diin naa ang mga butanding ayaw og panic, kung naa kay camera nga dala dapat wala kini’y flash kay basin ma stress ang mga butanding.

4. Kung mulangoy ka ayaw paduol sa butanding kay basin masamad ka, ingon pa sa among briefing ang panit sa butanding murag liha.

5. Ayaw usab palabi og kapa-kapa nga maka create ka og bubbles kay sure gyud na ang butanding muduol nimo kay gatuo sila nga pagkaon kini.

6. Ayaw usab pagbutang og mga lotion, sunblock sa lawas o nawong kay makadaut kini sa mga butanding.

7. Labaw sa tanan, ayaw hikapa ang mga butanding o di ba kaha sakyan sila (ako pwede ra sakyan. Hahahahha!)

Para sa mga Ka Butanding namo sa BuenaMano Balita daghan salamat sa inyong dakong suporta. Gumikan ninyo nahimong malampuson ang maong promo. Pero ayaw kamo og kabalaka kay naa na ang labing Dako, labing Hugyaw, labing Bongga nga promo, ang BuenaMano Balita Show Me Your Good Morning Butanding Dance promo. Sayon ra kaayo ang pag-apil kay ang imong buhaton: mag-video sa imong kaugalingon o ang imong mga amigo, amiga, si nanay, tatay, inday ug dodong nga nagsayaw sa atong Good Morning Butanding Dance.

Pagkahuman kay imo dayon kini ipadala sa buenamano@gmanetwork.com. Basin ikaw ang palaran nga makadawat og mga papremyo. Dakong sorpresa ang nagpaabot kanimo mga Ka butanding! Be creative. Send your videos now na!