Felix inaresto na sa Broken!

MANILA, Philippines - Dadalhin ni Roberto si Melissa sa dating bahay na pinatayo nito. Hindi maintindihan ni Melissa kung bakit ito kailangang gawin ni Roberto. Ipapahayag naman ni Roberto ang intensiyon niyang bigyan ng komportableng buhay sina Melissa pati na si Eva. Hindi naman malaman ni Melissa ang isasagot sa dating kasintahan.

Kasalukuyang nagaganap ang press launch sa kumpanya nina Ofelia. Du­ma­lo si Felix dahil gusto nitong saglit na makalimot sa sitwasyon nila ni Melissa. Ilan sa press ang mag-uusisa kung tinuloy ni Melissa ang kaso nito kay Felix. Hindi magugustuhan ni Ofelia ang tanong ng mga ito kaya makikiusap ito na huwag magtanong ng walang kinalaman sa kumpanya. Ilang saglit pa, dadating si Michael para dakipin si Felix sa kasong rape. Poposasan ng mga pulis si Felix.

Nakiusap si Felix sa mga umaaresto sa kanya na huwag itong gawin sa harap ng maraming tao pero itinuloy pa rin ang pag-aresto at pagkulong sa kanya. Sinabi ni Amanda kay Felix na sisikaping magkaroon ng bail si Felix.

Nakita ni Melissa sa TV ang pag-aresto kay Felix, naawa siya. Partly nakita rin ni Eva ang pag-aresto sa ama pero nagsinungaling si Melissa para lang hindi masaktan ang bata. Sinabing may gulo lang doon sa party nina Felix kaya may mga pulis.

Sinumbatan ni Felix sina Migo sa pagbaligtad ng mga ito sa kanya.

Lumulutang ang awa ni Melissa kay Felix pero sinabi ni Felix sa kanya na dapat lang talagang makulong si Felix. Maraming beses na rin daw itong nagsinungaling .