Gretchen ayaw magpatalbog
Pinaghahandaan na ng todo-todo ni Gretchen Barretto ang bago niyang seryeng Alta. Ito ang maganda sa isa sa tatlong Barretto sisters, she competes with herself. Kung magaling siyang maituturing sa Magkaribal, dito sa Alta mas gusto niyang maging mas magaling pa siya.
She is pushing herself to the limit. Talagang pinag-aaralan niya ang kanyang role at maging ang role ng mga makakasama niya sa serye para mai-adjust ang kanyang character sa kanila. Kung hindi ito patunay ng isang tunay na artista, ewan ko kung ano pa.
Maski nung kasa-kasama ko pa siya at co-host sa GMA Supershow, Gretchen had always displayed professionalism and a strong desire to be the best. Hindi siya kuntento to be better, talagang gusto niyang maging the best.
Ngayon, nagtataka pa ba kayo kung bakit iba siya?
Jennylyn ang laki na ng ipinagbago!
Ang laki na ng improvement ni Jennylyn Mercado! Hindi lang siya isang magaling na artista, magaling na rin siyang host. Ang maganda kay Jennylyn, sabay sa pag-unlad ng kanyang career ay ang malaking pagbabago niya physically. Ang laki ng iginanda niya’t isineksi. I’m sure ang dami-dami ng naiinggit ngayon kay Luis Manzano for having a beautiful girl for his girlfriend.
Ituluy-tuloy mo pa ang pagpapabuti sa sarili mo, Jen, at sigurado ako na malalampasan mo pa ang itinakda mo sa iyong sarili. Good luck sa ’yo!
- Latest
