Ladine, mas sikat sa ibang bansa

Hindi na nga paaawat sa kasikatan ang seksi at magandang singer na si Ladine Roxas.

Tinaguriang ‘Voice of Asia’ ng Pinas na nagpatingkad sa mga kantang "Naiiyak Ako", "Di Maisip" at "Where There Is Love?" na kanyang ipinanalo sa nasabing patimpalak mula sa kanyang album "How Can I Make You Love Me?" released by Candid Records Philippine under Zone 7 label ay handang-handa na sa kanyang European Tour ngayong Hulyo. Si Ladine ay may mga schedule concerts sa Northwales, Blackpool, Glasgow (Scotland) Newcastle (Gateshead), Liverpool, Birmingham, Amsterdam (Holland), Belfast and Dublin (New Ireland), Barcelona, London and Berlin. Pinag-uusapan din ang kanyang pagbisita sa mga bansang Denmark at Sweden.

Naka-schedule rin si Ladine na mag-record ng kanyang ikalawang album under Candid na ipo-produce ng dalawa sa pinakamalaking album producers sa UK- Roy Dodds at Mike Outram. Sila rin ang pangunahing producers ng Jazz singer na si Jacqui Dankworth "As The Sun Shines Down On Me".

Kamakailan lamang ay nakasali at nagwagi ng Special Presidential Award si Ladine Roxas sa First Kazakh International Song Festival na ginanap sa Astana City. Dito tinalo n’ya ang iba pang labing-11 kalahok na sumali kabilang na ang Armenia, Italy, Bulgaria, Belarus, Kyrghyztan, Lithunia, Malaysia. Mongolia, Serbia-Montegro, Singapore at Finland.