2 NPA high ranking lider, timbog sa checkpoint
MANILA, Philippines — Dalawang matataas na lider ng New People’s Army (NPA) ang nabitag sa inilatag na checkpoint ng pulisya at military sa Bulalacao, Oriental Mindoro, kamakailan.
Kinilala ang mga naaresto na sina alyas Ka Ems, Deputy Secretary ng Southern Tagalog Regional Party Committee at alyas Ka Patrik,Regional Staff ng Kagawaran ng Rehiyon sa Edukasyon (KARED ) at dating Platoon Lader ng teroristang grupo ng mga rebelde na nago-operate sa MIMAROPA Region.
Nakumpiska mula sa mga ito ang isang cal. 38 pistol, isang M203 grenade launcer, isang hand grenade at mga sangkap sa paggawa ng bomba.
Sinabi ni Lt. Col. Jeffrex Molina, Chief ng Public Affairs Office ng Army’s 2nd Infantry Division (ID),naglatag ng checkpoint operation ang Army’s 4th Infantry Battalion at mga personnel ng Police Regional Office (PRO) 4 B sa Sitio Banti, Brgy. San Roque ng lalawigang ito.
Pinasalamatan naman ni Army’s 2nd Infantry Division Commander Major Gen. Roberto Capulong ang mga sibilyan sa naturang Barangay sa pagbibigay ng impormasyon hinggil sa presensya ng mga rebeldeng naghahasik ng sindak sa kanilang lugar.
- Latest
