CAMP SIMEON OLA, Legazpi City, Philippines — Pinaniniwalaang may kaugnayan sa pagpapakalat ng bawal na droga kaya tinambangan at napatay ang tatlong kalalakihan sakay ng motorsiklo kamakalawa ng gabi sa bisinidad ng Barangay San Marcos sa bayan ng Placer, Masbate. Kabilang sa mga napaslang ay sina Sanilito Lequin, 42; Diosdado Apondar, 20, ng Brgy. Katipunan at si Gilbert Lugas, 30, ng Danao, Cebu. Nabatid na magkakasamang nakasakay sa motorsiklo ang tatlo patungo sana sa bahay ni Sanilito nang ratratin ng mga ‘di-pa kilalang kalalakihan. Narekober sa crime scene ang mga basyo ng bala ng M-16 Armalite rifle at 33 pirasong plastic sachet ng shabu. Ed Casulla