2.5 milyong pasahero dadagsa sa PITX

MANILA, Philippines — Inaasahang aakyat sa 2.5 milyong pasahero ang dadagsa sa Parañaque Integrated Terminal Exchange (PITX ngayong Semana Santa.

Sinabi ni Jason Salvador, tagapagsalita ng PITX , na simula Abril 9 hanggang Miyerkules at pakatapos ng Linggo ng pagkabuhay ay inaasahan na aabot sa 2.5 milyon  ang mga pasahero.

Ngayong araw ng Linggo aniya,  ay dadagsain ang PITX, sa Lunes tulad ng dati ay medyo kaunti ang pasahero at pinakamarami ang araw ng Miyerkules at maging ang Huwebes Santo ay mataas ulit ang bilang.

Muling nagpaalala si Salvador na mag-book ang mga pasahero ng maaga upang hindi mahirapan kaysa sa mag-walk in lalo na sa mga patungong Bicol.